السلام و رحمة الله وبركاته
شحالج يالعرووووس الحلوة و شو المعنويات ان شاء الله النفسية مرتاحة
انا نزلت هالموضوع عقب ما يتني وااايد استفسارات يسألوني عن الاهتمام بالبشرة
طبعا انتي اكيد جهزتي الزهبة و الفستان و حجزتي الميكب و خلصتي كل امورج على خير
ولاحظت وااايد بنات شايلات هم البقع الداكنة فالجسم و الخطوط البيضا و الحمرا و الجسم المترهل
و المسامات و الواسعة ……………………………. و الخ
في هالموضوع ان شاء الله بنزل لكم خلاصة تجربتي في الاهتمام بالبشرة << مدمنة خلطات ^ـ^
و ان شاء الله مع الاستمرار و المواظبة بتنحـــــــل كــــــــــــــل مشاكل البشرة و بتكون طلتج احلى
من القمر ان شاء الله و اهم شي يتكونين واااااثقة من عمرج ^ـ^
اولا : الدلكة السودانية ( بياض ، نعومة ، و توحد لون الجسم ) روووعة روووعة هالدلكة بتحصلونها عند السودانيات اللي يبيعن حنا بعد ما تاخذين دش ساااخن شوي على قد اللي يتحمله جسمج تاخذين منها كمية و تذوبينها فماي و توزعينها على كامل جسمج و خليها من 10 – 15 دقيقة عقب ابدي دلكي بحركة دائرية و خليله مثل التقشير و بعدين غسليه بالماي و نشفي جسمج و حطي زيت اللوز شي بسيط و وزعيه على الجسم نعووومة فضيعة وبيااااض و مع الاستمرار شي روعة الصراحة
ثانيا : خلطة خذتها من وحدة من المدونة يزاها الله خير ما ذكر اسمها
3 زبدة الشيا الخام
3 زبدة الكاكاو الخام << انا ما استخدمته لان ما كان عندي بس اكيد بتكون النتايج افضل
3 ملاعق زيت زيتون اصلي
3ملاعق زين جنين القمح
تخلطينهم لين تصير خلطة كريمية و تحطينها فعلبة و بعد كل استحمام تحطينها عالاماكن اللي فيها خطوط بيضا و الاماكن الداكنة و الخشنة و بتشوفين الفرق ان شاء الله
ثالثا : ماسك السدر و الحليب للتبييض و التنعيم
تاخذين كمية حليب نيدو و سدر وتخلطينهم بماي و توزيعنها عالجسم و تخلينها 10 -15 دقيقة
و عقب تقشرينها بحركة دائرية و ركزي عالاماكن الخشنة و الداكنة
رابعا : ماسك المحلب + الصندل + حليب بودرة ( للوجه فقط)
نص ملعقة من كل شي تخلط و تخلينها 15 دقيقة حلوة تنظف الرؤوس السودا و تبيض و تشد البشرة
خامسا : الخلطة الصابونية ( هذي استخدمها يوميا حتى لو اسوي الدلكة او اي خلطة لازم المقدمة تكون الخلطة الصابونية )
روووعة احسن من الصوابين المعطرة اللي ما منها فايدة
روحي عند العطار وخذي كل المكونات منه
مكوناتها :
صابونة كركم
الصابونة السحرية
صابونة الغار
صابونة البابايا
ماي ورد
ملح خشن
ملعقة كركم الجسم << مب ظروري وايد
ملعتين نشا
اول شي تبشرين الصوابين و تحطينها على صوب
تحطين فالجدر غرشة الورد كاااملة و ملعقتين ملح خشن لين يسخن الماي عقب تحطين الصوابين المبشورة و تحركينه لين يذوب و عقب ما تستوي الخلطة كريمية سكري النار و حطي ملعقتين نشا و ملعة كركة الجسم بسرعة قبل لا تبرد الخلطة ،، عقب فرغيها فعلبة و خليها فالحمام و يوميا استخدميها حطيها دقيقتين على جسمج و افركيها باليفة ..
سادسا : خلطة النشا والسدر مع حليب النيدو
تاخذين الكمية اللي تناسب جسمج من كل شي و تخلطينه مع ماي وتوزيعنه عالجسم و تخلينه 15 دقيقة عقب تقشرينه بحركة دائرية
لعلاج المسامات الواسعة فالوجه ييبي مرش وحطي فيه ماي ورد و خليه عندج فالثلاجة و عقب ما تغسلن ويهج او عند كل وضوء رشي شوي على ويهج حلو لتضييق المساام
اما مسام الارجل اللي تكون من الحلاوة او المكينة يوم تسوين سنفرة و لا دلكة افركيها عدل باليفة المغربية و شوي شوي بتخف ان شاء الله
و اخــــــــــــيرا بنات اهم شي المواظبة لا تستعيلون عالنتيجة بس ان شاء الله النتيجة بتكون حلوة و مرضية و كل الاشياء اللي قلتها حلوة و طبيعية
و ان شاء الله اذا تذكر شي مفيد بعرضه لكم
ملااااحظة : كل اللي قلته ينفع لبعد الولادة
و بالتوفيق لكن عرايسنا ^ـــــــــ^
الخلطات روووعة
ان شالله العرايس يستفيدن منها
موضوووعج روووعة
اشكر فنج
تسلمين يالغاليه
هههه حبيت الخلطه الصابونيه هاي يبالي اسويها
وبعد الدلكه ياربي شكثر كان فخاطري اعرف هاي شو اتسوي !!
والحينه بس عرفت لوووول
ان شاء الله كل البنات يستفيدن من موضوعج
كـــفيــتي ووفيـــتي ,,
مــشــكووره عالخلطـــات الغـــاويه الكل بيـــستفيد مـــنهــا
يعــله فميــزان حسناتج وثــانكس