خلاص قررت اشتري دخون وعطور من تاجرات المدونة … بس اللي بغيته الحين تخبرني
– طبعا دهن العود خلاص قررت آخذه من عند الأخت زوميات 
– بس شو احسن عوووود ومن عند منووو ؟؟ شرايكن بعود الأخت شمسه المهيري ؟؟ عندها العود السيوفي … وعود خالد بدهن العود القديم … ووايد أنواع من العود المعطر … شو ترشحن حقي؟؟؟ … أبي شي مميز بهديه لخالي يعني صج اذا شموه ربعه يكسرونه عشان يعرفون من وين خخخخخخ….فكرت بعود خالد وآخذله معاه عطر خالد بعد بس ماعرف ريحته كيف بصراحه خايفه مع أنه ماينخاف من شمسه بس لانها هديه ..وهي ما شاء الله عندها عود مبارك ومخلط مبارك وعود حمدان ومخلط حمدان واليديد عود خالد وعطر خالد بدهن العود فما عرفت شو اختار منهم…شو تقترحووون
– شو أحسن عطر من عطور مكاليف ينفع للريال أنا مجربه فلورال اللي غرشته صفرا وريحته تعيبني .. واللي غرشته زرقا مجربتنها زمااااان وناسيه ريحتها … بأي واحد تنصحني …
– شو أحسن دخون عند الأخت الغـــلا ؟؟؟ مب قصدي احسن يعني الباجي مب شي لأنها ما شاء الله عليها مب محتاجه شهادتي الكل يمدح دخونها… بس أنا قصدي الدخون اللي ريحته عربيه خااااااااالصه لأني ماحب الدخون بريحه فرنسيه .. أبا آخذ حقي وهديه بعد حق خالي ومرته ويمكن آخذ لربيعتي
– شو أحسن دخون ونفس الشي قصدي اللي ريحته عربيه خااااااااالصه عند الاخت شمسه المهيري … لنها بعد ما شاء الله عليها كل شي عندها ماعليه كلام …ونفس الشي أبي آخذ حقي وحق ربيعتي وهديه ..
– منو اللي مخمريتها عربيه صج … لأنه الحين ما شاء الله الحريم قامن يسون المخمريه بريحه فرنسيه وانا ماحب العطور الفرنسيه في المخمريات والدخون …
يزااااااااكن الله خير … بغيت أسامي الدخون والعطور بريحه عربيه بس
المشاركة الأصلية كتبت بواسطة جوهره البنفسج 
ان شاء الله حد يجاوبنا
عاد أنا طماعه أبي إجابات مفصله لكل سؤال سألته هههههه
موفقـــــــــة الغاليـــــــــــــــة..