أخباركم؟ يا أمّهات و عروسات و كلكم؟ 
بصراحه.. من دخلت هالقسم بالذات.. ما قدرت اطلع منه.. أحب اقرا.. مش بس الموضوع.. بس كل رد فالموضوع .. اجوف تفكير كل وحده
طريقة تحليلها للموضوع.. طريقة تهدية الطرفين.. اقعد اقرا رد رد.. ادري فاضيه…
بس فعلا.. من هالقرايات.. استفدت وايد اشياء.. اهم شي لاحظت في عضوات.. ردهن هاااااااااااادي ما شاء الله .. تحسين هموم الدنيا تطيح اول ما تقرين ردهن على المواضيع.. و أهم شي منطقي..
و شي عضوات.. يردن على راعية الموضوع سواء مشكله او غيره.. برد غريب عجيب.. و يزيد الطين بلّه =
يعني لو وحده شكّت ان ريلها يخونها و كتبت كلمتين تعبّر عن الي في خاطرها.. بترد عليها وبتقوول.." الرياييل ما منهم امان.. هدّديه انج بتفضحيها وياه" و اصلا صاحبة الموضوع مجرّد شك!!
موضوع الردود.. شي مفروغ منه.. النّاس تتعامل بنفسياتها.. بعضهم أنفسهم رايقه.. و حاسبه حساباتها صح.. و ناس ودهم بس يطلعوون غيضهم فكل خلق الله..
المهم.. سالفة الخيانات.. شي مفروغ منه بعد.. حريم يكرفن ليل نهار عشان يرضن أزواجهن.. و بعدنا نلقى أزواج خونه.. و أزواج يأمنون عيالهم و بيتهم عند الحرمه.. و نلقاها تخون الأمانه..
و أزواج.. صاينين بعض.. و راضين بالحال.. و هدفهم يكونون اسره.. مترابطه.. و متحابه.. و فاهمه بعض.. و عايشين ع الحلوه و المره..
أذكر من بعض الردود.. والي بنيت عليها مووضوعي اليوم… اكتبها بمعناها. .. و مش نقل كامل بالحرف و الكلمه..
"من أولها من يوم ملجتي المفروض تعرفين انه راعي هالسوالف"
"يوم قال احبج و ولهت عليج وايد استانست"
"سأليه ليش هالمصاريف؟ و شيكي على تيلفونه"
"غريبه من عرّستي ولا مره طلعتي معاه مطعم؟؟"
"أول مره حرمه ترضا على عمرها بزوجه ثانيه انتي ما عندج كرامه؟"
"حسسيه ان عندج حياتج و استقلالج لا تحسسيه انج ولا شي من دونه"
"الله يخليكم لبعض أمين"
.. انا هب معرسه.. << واضح من التوقيع
بس مرات افكّر.. ليش هاي ترد بهالطريقه.. خليهم مستانسين و متفاهمين.. :@
و مرات اقول.. هاي شو ضمنها انه ما يخونها…؟ من وين لها الهدوووء الروحي هذا كله؟ ما شاء الله
حد يقوول.. لا تفتشين.. الريال ما يحب هالشي.. و حد يقوول.. خلي عينج عليه من بعيد لبعيد
.. بالنسبه لي افكر.. اقول.. خاطريه اعرف.. وبس في نفس الوقت.. خاطريه ما اعرف.. لو عرست يعني
اذا عرفت.. بزعل و اخاف ينجلب هالشي عليه و تكون اخر شي نزوه.. و اذا ما عرفت.. ما بحس اذا كنت مقصره.. ويمكن يتمادى و يقول هاي غبيه ما تعرف شي..
طبعا.. الريّال قبل العرس.. يقدر يسولف و يخربط.. محّد يلومه.. و العرس ع قولتهم يعتبر بدايه يديده..
فما يتحاسب على الي راح.. و يتحاسب على الي يسويه وانا على ذمته
انزين كيف اسدّه عن الي راح؟ و كيف اضمن انه لو كان في حياته حب.. راح انسّيه ايّاه؟ او اعوضه بداله؟
سؤال يأرّقني..
الزوجه.. تتزيّن لزوجها.. كل يوم و فالمناسبات و بسبب و بدون سبب.. و تحاول تغير و تنوّع .. ما يصيبها نوع من الملل؟؟
يعني مرّات ما تحسّين عمرج بس تبين تنشين من رقادج.. تفرشين اسنانج و تمّين بالبيجامه تستمتعين بكوب الجاهي و تروقين على راحتج؟؟
انا انسانه اهم شي عندي الرياضه.. و التغيير من فتره لفتره.. يعني مش دااااااااااااايمن تلقيني بمكياجي و جيه << بحكم اني عزباء
بس بيي يوم و بتكون الحرمه حامل.. أو مربّي.. او فيها الدوره.. هل بيكون لها بارض على هالشي؟؟ انزين ريلها بيتقبّل منها انها فهاليوم لو ارتاحت شوي؟!
كيف تتعاملووون مع هالأيّام الي فخاطرج تقوولين.. مالي باااارض =)
احس عدم تفاهم الزوجين بالنسبه لهالشي..( و طبعا شي اشياء وايد مش بس على المكياج و الزينه حتى تنظيف البيت.. و الطبخ و فراش الزوجيه و غيره) ممكن يسبب ازمه من لا شي..
يعني لو دخل الزوج و انتي تسبحين العيال.. و اغراضهم فالأرض فالحجره الثانيه.. احس بيقول ليش الاغراض جيه؟ ليش ما ترتبين؟ و ما بيطالع انج يالسه تسبحيهم و مهتمه بنظافتهم =) بعض الأزواج من المشاكل الي قريتها هاي ردودهم..
و بالنسبه للي يجوفها تشل حلاوه و يسوي لها ازمه.. أونّه يجز.. << طبعن هيه لو قفلت الباب احسن عشان ما يجوف.. بس سهت عن هالشي و جاف.. وسوّي ازمه.. << نسى انها تتزين له؟
شو الحل؟
مووضوعي فيه وايد اشياء أعرف.. بس مادري.. يالسه افكر و اكتب.. و احلل و اتذكر في نفس الوقت
ما ننسى الدعاء.. و الاستخاره .. و خوف الله في كل شي.. هاذيلا بيسهلن امور وايد.. و بتعطي الزوجه صبر و راحة نفسيه كبيره.. بس.. مرات الدنيا ما ترحم..
باختصار.. كيف تتعاملون مع هالاشياء؟ << الاشياء قصدي.. شو من الموضوع الي كتبته تقدرين تردين عليه.. و تفيدينا ؟ =) لاني متشتته شوي في افكاري سوووري 
غاليتي
فعلا اختلاف الراي شي مفروض منه
نظرا للبيئة والتربية والتعليم الي أي أخت خذته فينا
بس أهم شي ان نحن لازم نتفق على كلمـة الحق
أو على الأقل اذا ما تفقنا الإنسان ما يحرض على المنكر لا سامح الله
وتكون الكلمـة الطيبـة لمسـة في ايدنا كلنـا
بعد الردود أحسها للاسف مسمومـة
لكن ماشاء الله إدارة المنتدى في المرصاد وما يقصرون ^_^
وفرق كبير بين قبل والحين
ماشاء الله الحين العضوات ارتقن في ردودهم وأسلوب الحوار استوى أحسن
لكن دائما نطمح للأفضل ^_*
وان شاء الله مع الوقت الإنسان يكبر ويفهم أكثر ويستوي يعذر الناس أكثر
ربي يهدينا أجمعين ويوفقنا لكل خير
ومشكورة أختي على موضوعج الطيب ^^
بتااخذ الزين وبتخلي الشين ^^
وعن سااالفه التعديل للزوج فأناا رااايي ان ماافيه زوجه منيكاان ابداااا
الزوجه انساانه تتعب وتمل وتنسى وتنشغل بالبيت والعياال وبنفسهاا بالاول ^_*
والحيااة الزوجيه مب تعديل ولبس ومكيااج .. بالاخير التنوع والتغيير والبسااطه مطلوبه
والله يسعد كل زوجين ان شااء الله ^^
بس صدقيني بعض الحريم يبااااااااالغون , ومو كل شيء يقولونه صحيح ..
الحياة فترات .. فترة شوق وووله , وفترة مللل وروتين ,, وفترة الحال مستقر ^ـ^
عاادي حبوبة لا تفكرين ..
الزواج زيه زي العزوبية مع تغيرات بسيطة بس ..
شوفي المتزوجات حولك بالله كل يوم بلوك جديد ؟ لالالا حبوبة بالعكس فيه عازبات أكثر اناقه منهم ..
حياتك الزوجية اهم شييء فيها الثقة بالنفس ..
صدقيني , إذا كنتي واثقة بنفسك , ,حاسة إن مافيه زيك هالشعور ينتقل لزوجك ..
أما الأناقة فكل بنت انيقة ومرتبة مو شرط مكياج واشياء بس باللبس والنظافة كل البنات كذا حتى العازبات
الحياة تمشي إذا سهلناها .. ^ـ^
والله يوفقك حبوية
حبووبة بكل الحالااات كل واحد يرد بوجهة نظرة ولحظتها ..
والشااطرة اللي تعرف تعطي كلمة طيبة اطيب فبييها خاطر صااحبة الموضووع مهما كااحجم المشكلة .
وبالاسااس الحرمة ماحطت موضووع الا بانها محتااجة الكلمة الطيبة .
وعلعمووم فكلا الحالاات كلن بموقف..واللي عنده خبرة غيير الي معندها..
واللي مجربة غيير من اللي ماجربت..
واحيين ايي دوور صااحبة الموضووع تااخذ الردوود اللي اتريحها واتحسها منااسبة لها ..
هذا على حسب المشكلة يعني وحدة بتشتكي من تعامل ريلها البارد ..اكييد بتااخذ الحللو اللي تنااسب طبييعة ريلها موكل الحللو حتى لوكان الحل المنااسب بس مابينااسب ريلها..
وهنييه يترتب على حسب معرفتها بريلها والحيااه..
وفكلا الحالاات ننصح باللجوء الى الله وكثرة الاستغفاار وقياام الليل والدعااء والصدقة..
وداايما اقوول..(لاتهدي من احببت ولكن الله يهدي من يشاء)