بقطع شعري خلااااص مب قادرة استحمل
يا جماعة الخير أنا عمري 21 و عندي بنتين,, العودة 2 و 10 شهور و الصغيرة 7 شهور ربي يحفظهن و يهديهن
من حملت بالثانية بدت معاناتي ،، مع انه و الله العظيم بنتي لا غارت و لا سوت زوبعة و لا شي من هالكلام
المشكلة انه في وايد اشيا مب قادرة اعلمها لبنتي مع اني حاولت كل الطرق بس ماعرف شو الغلط اللي اسويه
المشكلة 1،،
بناتي لززززززززززقة فيني،، الكبيرة و الصغيرة
يعني حتى دخول الحمام تكرمون محرررمة علي ،، و اذا دخلت بيستوي عزا جدام باب الحمام لين ما اطلع
لا ابوهم بيروم عليهم و لا حتى اقدر اخليهم فبيت عمي يلعبون
لااااازم انا اكون مرتزعة جدامهم ليل نهار
حتى اهتمام فعمري ما قمت اهتم،، كرهت عمري و شكلي و بشرتي و شعري و كل شي فيني
المشكلة 2 ،،
بنتي العودة صارلي وياها من كملت السنتين و انا احاول اعودها شوي شوي عل الحمام
يبت النونية و يبت قاعدة المرحاض و يبت كرسي صغير
يعني بديت اخليها بدون بامبرز فترة العصر لين الليل ،، و طبعا كل شوي تخيس عمرها و ما قولها شي
و مرات ادخلها عزكم الله وياي الحمام و امثل اني اسويها و اقولها انه ماما و بابا يسوون قاقا فالحمام عشان احنا كبار خلاص و انتي بعد
و اشجعها انها بتروح الروضة عقب سنة و لازم تتعلم شرات خالها الصغير بس مااااااشي فايدة
انا مالبسها بامبرز فترة النهار مووول ،، و كل ساعتين اوديها و معضم المرات ما تسويها فالمرحاض و اذا سوتها بتسوي شوي بس ،، احس انها مسبلة فيني و الله
بنتي ذكية و الله ذكية ،، بس هالموضوع باااااط جبدي
صارلي 10 شهور ماشية وياها تدريجي و بدون ضرب و نزاعة و بعد ماشي فايدة
اللي خلاني اكتب هلموضوع اليوم اني لأول مرة مديت ايدي عليها بسبت هالشي
لأني و الله تعبت نفسيا ،، صارت ريحت البيت أرررف ،، مع اني عندي شغالة بس صارن بناتي متعلقات فيني وااايد لدرجة انه ما يحبون الشغالة تيود وحدة منهم اذا انشغلت مع الثانية
و ريلي الله يهديه بعد من صوب ،، كل ما يلاعب بنتي العودة يرمسها على اساس انها نونو ،، لا و يقول ييبييلها مرضعة و هاذي بنوتة صغيرونة و ماعرف شوو،، كلمته بس ماشي فايدة ،، هل العادة ما يبطلها ابد
مشكلة 3 ،،
رقااد بنااتي خاااااااااااااااااااااايس
يعني العودة بتقعد ترفس و تخمس و تفر عنها اللحاف طووووول الليل ،، عاادي يعني اقوم لها حوالي ال 6 مرات بالليل بس اعدلها و الحفها و ترد نفس الشي عقبها بدقيقة
و حتى الصغيرة ما ترقد عدل مع انها كانت مريحتني عل الاخر فرقادها يوم صغيرة حتى الكل قام يقول شو هااا بنتها كلها راقدة و اللي تقول سيري عالجي بنتج كله ترقد اكيد فيها شي
حرااام و الله ،، انقلبت 360 درجة عن قبل ،، و اذا ما رضعتها طووول الليل ما بيهنالها،، عظامي و الله تعورني من هالرقدة
أنا اعرف اني واايد كتبت بس سمحووني و الله من القهر
حتى فهالحظة مي راضيين يناموو ،،
خووفي بس ارد الجامعة عقب اسبوعين و ما اقدر اسيطر عل الوضع وياهم
نصايحكن خواتي
ماعندي خبره بصراحه
ربي لك الحمد والشكر
بيطلع لج وايد مواضيع حلوة من الدكاترة نفسهم شو الطرق الصح الي تسوينها
اما بالنسبه للنوم لاتخليهم يرقدون الظهر عشان يرقدون بالليل يالغلا
والتعود انه كله يبونج بالتدريج ابدي انه كل يوم خلي حد يمسكهم بيصيحون في البدايه عقب بيتعودون يالغلا
ومن كثر مابيتعودون عقب عادي تروحين وتسيرين اي مكان وهم مب وياج بعد وعادي بعد تباتين برع وهم عند اهلج لانهم خلاص تعودو
اقري وايد في النت عن هالامور وايد شغلات بتستفيدين ان شاء الله بس يباله صبر يالغلا ^_^
ان شاء الله اكون فدتج والله يوفقج يالغلا ^_^
المشاركة الأصلية كتبت بواسطة قارورة العسل 
يزاج الله خير الغالية ،، بس نحن فعايلتنا العيال بسرعة يقطعون البامبرز عشان جيه أنا أحاتي هالموضوع
ربي بس يعطيني طولة البال و الصبر فالتعامل وياهم