خــــــــلاص احترت ومالـــــــي غيركن اتساعدنيه لسلامتك

بنات بغيت مساعدتكن انا باقيلي اسبوع وبخلص السابع ولين الحين ماعرف وين اربي والله خايفه للعلم انا بربي في بوظبي بس ماعرف اي مستشفى ؟؟؟؟؟؟؟؟؟؟؟؟؟؟؟؟؟؟؟ اول شي انا خايفه من مستشفى الكورنيش لانه الحين يقولون انه المستشفى مش نفس اول ومايهتمون وايد بالجنين .. فكرت اربي في النور اليديده عند الدكتوره ماجده بس بعد محتاره ومحد من الاهل جربها بس انا من كلام الي فالمدونة على الدكتوره ماجده قلت يمكن اربي عندها …!!! انتو شو تنصحوني ؟؟؟ يله ابا تصويتكن اي مستشفى اربي فيها ؟؟؟ وشو عن الدكتوره ماجده الي تعرفها تعطيني فكره عنها واذا مالقيت ردود ومحد ساعدني تراني بربي فالبيت

والله انا كنت نفسج تبين الصدق محتاره من بين ها الاثنينه …. وسرت مره الكورنيش وابدن مارتحتله
وقلت يمكن اربي عند الدكتوره ماجده بس عقب قريت عنهاااا انهااا وايد لعوزت اللي كانن يربن عندهااااا
يعني حد مدحها وحد ذمهااااا …. ف غيرت راي …. بس اعرف وحده من يومين ربت في الكورنيش اتقول الممرضه اللي ولدتني واايد اوكي واهتموااا فيهااااا بس ما طولت ثاني يوم روحت البيت قالت برتاح في بيتي اكثر من المستشفى … وعني انا سرت فتحت ملف في مستشفى الرحبه وارتحت لهم ولانهم حذالي انا في مدينة خليفه وترا التساهيل من الله .. وع فكره ترا القابلات اينج احسن عن الدكاتره لانهن خبره … وهن اللي طول اليوم يولدن اما الدكتوره بس في الحالات الطارئه .. واسمحيلي طولت عليج

الله يسهل عليج

حبيبتي الضمان عند الله بس انا احس الكورنيش اكثر مستشفى مضمون للولاده
صحيح ان مراات عليهم حركات واهمال في بعض الاوقات بس عندهم دكاتره زينين وعندهم كل التجهيزات
انتي صلي استخاره وشوفي عمرج وين ترتاحين ….انا عن نفسي فاتحه ملف عندهم وموعد ولاتي قريب ادعي لي اقوم بالسلامه

الله يسهل عليج وعلينا الولاده يارب..

تبين رايي ومن تجربة اختيه.. ربي فالكورنيش

ختيه كانت اتراجع في مستشفى النور اللي في فرع شارع المطار.. بصراحه قمة الاهمال وماديين بشكل كبيييييييييييييييييييييييييييير

الله ستر عليها وما صار فيها شي ولا فالبيبي والحمدلله ع سلامتهم.. تبين رايي ولا دكتوره زينه

ومن راجعت الكورنيش احسن لها بوايد..

والحمدلله اهتمو فيها لين وقت الولاده وبعدها

وانا عن نفسي اراجع فالكورنيش من دخلت الشهر السابع وناويه اربي عندهم ان الله تمم لي الحمل ان شاءالله

والموضوع راجع لج..اختاري اللي بترتاحين له

الله يعين والله ماعرف يمكن ارجع للكورنيش مع انه هذا حملي الثاني والاول ربيت فالكورنيش وووايد كانو اوكي معايه بس شوي فيهم اهمال كانو في ولديه لانه كان محطوط فالعنايه ويوم كان يصيح مايزقرونيه الا يوم خلاص يشوفونه مات من الصياح