ღღ خـطوبہ شـيخــآن .. " تفاصيل وصورღღ " لاناقة المرأة

خواتي الغاليات

الحمد لله بفضل الله سبحانه وتعالى .. ومن بعده دعائكن معاي الله وفقنا ..
و ما خيب رجانا وأشهرنا الخطوبه ولله الحمد ومر كل شي على خير ..

وبهذي المناسبه سوينا حفله بسيطه عزمنا فيها الأهل والجيران وربيعاتي " شلة المربوشاااااات " وإلي بوجودهن صارت الحفله أحلى وأحلى
وكان مكان الحفله منطقه محظوره على أي ريال ومخصص حق الحريم فقط لا غير ..

طبعآ تجهيزاتنا للحفله كانت قبلها بكمن يوم .. وفي يوم الحفله طلع كل شي مرتب .. بسيط .. وحلو ..
الحفله سويناها في صالة ميلس الحريم الرئيسي في بيتنا وميلس البنات التابع له

وهذي بعض الصور

وخليناها منطقه شبه عسكريه وحضرنا دخول الريياييل لها .. حتاا حيييييين ..

ربيعتي الغااااليه أمون كانت بايته عندنا ليلتها .. ونشينا من وقت .. صحصحنا .. تريقنا .. وعقب بدينا نتجهز ..

هي حليلها كفت ووفت .. تمت تشيك على المطاعم .. ومحل الورود .. والحلويات .. وحجز الصالون ..
وشيكت مع أمي على الخدامات وهن يجهزن المكان قبل ما نطلع وتأكدت إنه كل شي أوكي كأنها صاحبة الحفله فديتها ..

وعقب انطلقنا ..
عالساعه 3 الظهر ودانا أخويه سلطان الصالون وكنا أنا وأمون وخواتي الثلاث وهناك تمكيجنا وتسرحنا .. والحمدلله عالساعه 6 كنا كلنا جاهزين

وهذي صورة من الصالون

بعد ما خلصنا يانا أخويه ورجعنا البيت وأول ماوصلنا خلوني أيلس في حجرة أختي رحوم لين موعد نزلتي للصاله ويوم وصلت يتني أمي ربي يحفظها وحضنتني وصااااحت فديتها قالت إنها تمنت لو كان أبويه حي وحضر هاليوم وكلللهن يلسن يصيحن وأنا ما رمت أيود عمري و" مع الخيل يا شقرا "

عقب وصلة الدموع يلسن أمون وخواتي يطوفن الوقت بأنهن يتصورن معايه ويصورني

عقب خلني وسارن وتمن كل شوي وحده إتي تسليني وتجيك علي

في هالوقت كانوا خواني الشباب خلاص ساروا صوب الريياييل إلي ما كانوا وايد .. لأنه عمامي للأسف كلهم ما حضروا أونهم زعلانيين ؟؟
بس عمي الصغير إلي حضر وعاون أخواني الثلاثه .. ..

وعالساعه 7 ونص بدن الحريم يتوافدن على بيتنا ..

طبعآ كنا خلاص حاطين الكوشه في الصاله وكل شي ستاند باي ..

وهذي صورتها بعد ما جهزت

والكوشه رتبنها ربيعتي أمون وأختي رحوم من أثاث البيت بس اللهم شرينا ليتات وورود صناعيه من محل الهدايا وشرينا قماش حق التنسيق
وشبكوهم في الليتات وزينوها من تحت
والورود الباقيه إلي فوق وحوالين الكوشه هذي طبيعيه

وبصراحه تعمدت أقولهن يحطن الكراسي منفصله لأني أساسآ ما كنت حابه إنه المعرس يدخل لأنه ما يعتبر بالنسبه محرم " بعدنا ما ملجنا " !!

وهنيه الكوشه من جريب من الزاويه ..

وهذي صوره كلوز لسندة الكرسي ..

وهذيلا أخويه سعود ومحمد ولد عمي يشوفون إشراف أمي عالخدامه يوم يرتبون الصاله قبل ما إيون الحريم بشوي

وهذي لبستي وخيطتها في المرور

وهي عباره عن ثلاث قطع .. كت .. وسديري .. وجيبونه بنفشه بسيطه ..
وقماشها من الساتان والتول والشيفون بتطريز خفيف .. على شكل فستان سمبل ..وطلعت وااايد حلوه ..

وهذا شكلها باللبس مع المسكه