خدامتي وجنون البقر اشغال سهلة

خواتي الغاليات .. ما عرفت القسم المناسب اللي احط فيه موضوعي بس اشوف هالقسم عليه تردد واقبال كبير من العضوات .. و بصراحه هذا اكثر قسم احبه فالمدونة لاني احس اني يالسه بين هليه وخواتي وربيعاتي .. هذا القسم الوحيد الي احس فيه تواصل وتقارب بين بنات بلادي …

ادري طولت عليكن فالمقدمه …..

موضوعي وبختصار مب ما يخص زواج او خطوبه او صداقة او اهل ….
موضوعي اللي متعبني واااااااايد مع خداااامتي
وايد تسوي مشاكل فالبيت مع الخدم مع انهن من نفس الجنسية ومن نفس العمر تقريبا بس احس انها مريضه نفسيا او مب طبيعيه بالمرة .. يعني مرة اتبلت على الدريول انه يبى يسوي علاقة محرمه معاها
وكل مرة تتبلا على حد لعوزتني وياها ماعرفت شو اسويبها
الكل يشتكي منها .. ويشهد الله اني مب متحملتنها الا لانها نافعتني ومخسره عليها وماكملت عندي غير 5 شهور ..
المهم توها قالتلي انا مابا اشتغل وخلاص ابا ارجع بلادي .. قلت لها مب مشكله باخذلج تذكرة بمعاشج وبسفرج اما اني اعطيج تذكرة فري انسي ..!!

الحين انا اخاف اني اخذ لها تذكرة بمعاشها وباجر اتحاسب عند ربي اني ما عطيتها حقها من المعاش ؟
انتي شو رايكن هل اعتبر ما كله حلالها بغير حق ؟ ولا لازم اصرف عليها واخسر على تذكرتها واعطيها مصروفها كامل.؟
للعلم ترى ماحد من اهل البيت ضرها او قالها شي كل المشاكل كانت بينها وبين الخدامات الي معانا فالبيت ..

الواحد يجهل امور كثيرة في دنياه ويمكن يتحاسب عليها عند رب العالمين
اللهم اني اسالك بان تغفر لي وتغفر لامة محمد