خدامتي اليديدة وايد تتدلع!!!! عمل يدوي

خواتي قبل اسبوعين ريلي ياب خدامة اونه يباهه تساعدني مع اني ما طلبت منه و البيت نظيف 24 ساعة علما اني اشتغل و اهتم ببيتي نفس الوقت و سالفة البشكارة في البيت اصلا مو مقتنهة فيها ما اقدر ارتاحلها يوم تنظف او تطبخ او اي شي!!! ما احس الها امان و بعد بناتي صغار يعني حتى ما اقدر اتركها معاهم بس ريلي الله يهديه لسبب ما يعتقد انه كل بيت لازم فيه بشكارة يمكن لان عيلته وخواته كلهم عندهم المهم انا الحين اسوي تقريبا كل شي و احنا ندفعلها بس جي يوم ريلي درا سواها سالفة اونه انا ليش يبتها مب عشان تساعدج !! هو يدري موقفي من هالفكرة و القصص اللي اسمعها ! وعمري ما شكيت من حالنا! المهم سكت و قلتله انزين خلها اتنظف!! عاد كيف اتنظف هالاخت صدقوني بنات تلبس بلوزه قصيرة و كلما تنظف لازم ظهرها او بطنها تبين و احسها تتعمد تبتدي عدال ريلي!! انا ايدا ما كنت منتبهة لاني اكون غالبا في الشغل و يوم ارد اكون في المطبخ و بعدين اروح ايلس عدال ريلي و اليهال بس البارحة يتني بنتي عمرها 9 انا و اطبخ تقوللي ماما اخبرج شي بس لا تزعلي مني قلتهلها قولي عادي قالتلي احس ماري (اسم الاخت!) وايد تتدلع ويه بابا عاد انا انصدمت و حسيت صج بالغباء و اتنرفزت من خاطر بس ما بينتلها و الحين وايد معصبة من ريلي و ابدا مو مرتاحة في بيتي !!! ابه اطلعها بس ريلي مب راضي اونة خلاص سوه العقد وياه الشركة!! من وين يتني هالمصيبة مب عارفة كيف اتصرف !! خبرت اخته عن الموضوع و تخيلوا سوته نكته وياه اونه تغارين وايد@@ مب عارفة بنات ابه نصيحة عملية اقدر افر هالدخيلة بره بيتي !!

صباح الخير عزيزتي

مم أنا اشوف دامها يديده فرضي قوانينج وشو لازم اتسوي بالبيت
اول شي لازم ماتظهر من غرفتها الا وهي لابسه لبس محتشم يعني ياا لبس الخدم ويا حجاب حتى لو مب متحجبه لازم تلبس او مثلا كندوره وياشلة صلاه
وخلي شغلتها كله بغسل الملابس والكوي وتنظيف البيت وتساعدج بالمطبخ
وانتي عليج ريلج وعيالج خاصتة غرف النوم مالها خص فيهم

وخليج جديه وياها عشان لا تتخطى حدودها فوق اللازم
قولي لريلج أنا بختبرها فتره اذا ماتنفع مب لازم وجودها وفي غيرها الف

اللهم لك الحمد كما ينبغي لجلال وجهك وعظيم سلطانك

لا حول ولا قوة إلا بالله العلي العظيم

أختي خبريها ان يوم يي ريلج البيت هي تدش الغرفـة وتسكر عليها

وانتي المفروض أختي تكونين بالبيت يوم ريلج موجود ..

واقنعي ريلج تحطين كيمرات قوليله أحاتي عيالي ويا الخدامـة فمن الكيمرات بتشوفين تصرفاتها يمكن بنتج فهمت شي غلط

وعسب سبحان الله تكسرين الشك باليقين

واذا فعلا شفتي منها شي ما يسر

فكوني حازمـة في كلامج ويا ريلج

لا تعاندين بس أقنعيه بجدية انج خلاص ماتبغينها وانج مب مقتنعـة بوجودها

وإذا ما شفتي منها شي غلط وبتم بالبيت

خذي لها ملابس جلابيات طويلـة وساترة مع شيلها

وخبريها ان هذي بدلـة دوامها ما تفصخها إلا يوم تسير غرفتها وتخلص شغلها ..

والله يسر لج أختي

في حديث سهل بن سعد مرفوعاً إلى النبي صلى الله عليه وسلم:

ثنتان ما تردان :

( الدعاء عند النداء وتحت المطر )

رواه أبو داود وصححه الألباني في صحيح الجامع (3078 ).

الا هي خدامة افرضي قوانينج عليها روحي السوق واشتري لها ملابس محتشمة وحجاب وتشرطي عليها ما تخليها على كيفها انتي المسؤولة عن البيت واللي فيه وخلي كلامج جدي يوم ترمسين وحاسبي تعطيها ويه تراهم ما يصدقون يركبون ع راسج وخليها وياج زين بعد تساعدج شوي وموفقه حبوبة

ترومين تردينها المكتب وتبدلينها بوحدة ثانية اذا ما كملت وياج 3 شهور
طلعي اي عذر ع المكتب عشان يبدلونها

سوته نكته وياه اونه تغارين وايد@@

بعكس مب مسأله غيره !!! بعكس مشا الله عليج أنتي شراتي ما تحب الخدم