غفر الله لنا و لكم و لوالدينا يا رب العالمين
بدش فالموضوع دايركت
من احسن دكتور يختن في مستشفى الزهرا الشارجة و هل اخلي جراح عام يسويها و الا دكتور اطفال و الا كيف ؟؟
بانتظار ردوودكم بأقرب وقت
ان شاء الله البنات يفيدونج بس بقولج عن تجربتي مع ولدي الله يحفظه
ولدي كان عمره كمن اسبوع قلت بوديه المركز الطبي فرع العين
وديته وقالوا لازم جراح دخلنا عليه وتميت اسأله
تسوي بالحلقة والا قص؟؟؟
قال قص احسن والحلقة مب زينة لانه مايضبط عدل!
وتميت اسأله وقالي يخيطون!!! ماحيد الاولين يخيطون بعد الختان؟!!!
وتم يقنعنا وقلنا بنتوكل على الله وعقب قالنا لازم تسوون فحص دم للبيبي!!! استغربت ليش!! قالوا عشان يعرفون مدة التخثر او ماعرف شو يعني كأنها عملية كبيرة!!!
وقت سحب الدم عاد تعالي شوفي…
الفلبينية ربطت ذراع ولدي( مثل طريقة سحب دم الكبار من جدام الكوع!! والبيبي عمره كمن اسبوع وتضربه مسكين عشان ينطر عرق ومالقت عرق خلته مربوطة يده وراحت تتكلم في التلفون والبيبي يصرخ بهستيريا
ليش تتكلمين بالتلفون؟؟ عشان يجي حد ويساعدها في مسك ذراع الياهل
عاد الأمومة تحركت
فجيت عن ولدي رباطه وخذته في حضني وعطيتهم بو لباس وهم يركضون وراي مدام مدام وانا وريلي دبرنا ولا التفتنا ورا
مر كم اسبوع وعلى نصيحة ربيع ريلي ( بدوي) قالنا واحد ممتاز في بني ياس وكلهم مختنين عيالهم عنده وعربي…. زييين رحنا بعد ماخذنا موعد
المهم وصلنا وغرفته ماحد فيها غير الممرضة وواحد شيبة مادري شو مسوين في ريله يمكن مجروح او يبدلونه رباط ريله او شي جذي
وين الدكتور؟؟ قالوا في الاستقبال الحين بينزل( ساكن فوق) الدكتور المحترم نزل بالبيجامة وعيونه توه قايم من النوم!!! ووزنه يمكن فوق المائة!! ويده ماشاءالله حجمهم مايحتاج افكر كيف بيكون دقيق؟!!!
المهم حطينا ولدي على السرير وفيه صينية المريض اللي قبلنا فيه دم وشاش وسخ وكمن زجاجة معقم على ماظن
قلت حق الممرضة شو هذا الوسخ غيريه ومارضت وكابرت( شكلها روسية او اوروبا الشرقية) ودخل هندي علينا عطى الدكتور فلوس والدكتور انشغل يعد العشور والخموس وماكنا موجودين ولا همه صينية الدم الوسخة
خذت ولدي وشردت فيه وزوجي معاي… وبعد ينادونا وطنشناهم ولا التفتنا لهم
مرة وحشية
وهذي المرة وسخ
انتظرت وقعدت ادور لين ماسار عمر ولدي حوالي 3 شهور لقيت له جراح باكستاني متدين ومحترم هني في بوظبي
سواله ختان بالحلقة واحنا واقفين على راسه وبملابسه العلوية والحمدلله شغله نظيف وممتاز،، وطلعت عملية الحلقة ممتازة لأن الحلقة تشل الجلد الزائد كامل وبس، والحمدلله ماشي نزف بس دم بسيط (وعن تجربة وحدة مخبرتني عن اولادها مجربة النوعين من الختاان ان الحلقة نزفها وايد اقل من القص)(ووحدة ثانية خبرتني عن ولدها ختنوه بطريقة القص فشال الدكتور بالغلط (زلت يديه) وقص جزء من عضو الذكر،، حتى لو كان شي بسيط اكيد بيكبر ويتعقد)
( يمكن تسألون ليش ماوديته مستشفى؟؟)
من بعد ماشفت شغل المركز الطبي حرمت،، هذا كان جدامنا فكيف ورانا؟؟؟؟!!! خاصة ان المستشفيات ما يسمحون لحد يدخل مع البيبي وقت الختان
هذا غير عن تجربة اختي في المركز الطبي الجديد اللي في بوظبي (قبل ولدي مختنة ولدها)،، خذوا ولدها، عمره حوالي 5 شهور على ماظن، غرفة العمليات وماسمحوا حد يدخل معاه وطلع من العمليات المسكين وهو مفسخ تماماً وبردان بشدة وكان وايد يرتجف من البرد
طولت عليكن،، لكن حبيت انكن تستفيدن من تجربتي وتتنبهن اذا مر عليكم شي من اللي مر علي وتصرفن بالعقل وماحد يقص عليكن،، والحلقة هي الخيار الأفضل