خبيرات قطر التدريس الاماراتي

السلام عليكم
شو رايكم بقطر أفكر أسافرلها بنهاية هالشهر ان شاء الله … اللي زارتها تخبرني عن الطقس والفنادق والاماكن السياحية فيها والتسوق واي معلومة .

ياهلا وسهلا مكانج وبلادج اختي قطر حلوه وخصوصا هي الايام الجو روعه تقدرين تسكنين في الشيرتون ولا فندق دبليو عائلي وعلى البحر وقريب من الستي سنتر عندج سوق واقف تقدرين تتمشين فيه وفيه محلات اقمشه وعبايات وعطورا سوق قديم بس روعه وبتحبينه فيه محلات شعبيه ومحلات وفيه محلات حلويات من ارقى الحلويات كله من اوربا مثلا محل اسمه الغاريه دكان صغير بس فيه اشكال والوان يجونه من كل مكان من كويت والسعوديه والبحرين وفيه محل اقمشه في سوق واقف اسمه الزمان عنده اقمشه قطنيه عندج سوق الديره كله اقمشه محل اسمه البسايل في سوق الديره عنده اقمشه الليبرتي الاصلي وعندج سوق فالح قريب من سوق الديره سوق عبايات وسوق العسيري قريب من سوق الديره ومن سوق فالح اقمشه عندج الكورنيش الممشى فيه حلو تقدرين تاجرين مركب تشوفينهم واقفين وتتمشين في البحر عندج الحي الثقافي او كتارا يسمونه شي عجيب كله مطاعم تمشي فيه في الليل بيعجبك اخذي سياره القولف ويمشونج على كبر الحي فيه محل جباتي وكرك حلو للفطور الصبح عندج المجمعات روحي قيلاجو كله محلات حلوه ومطاعم ومحل اللعاب للاطفال وفيه كل الماركات وفيه قهوه او مطعم اسمها للينوتر اكلها حلو خفايف عندج مجمع الاند مارك حلو وفيه سينما والعاب اطفال ومطاعم بس مجمع فيلاجو حلو لازم تمشين فيه فيه سينمات مسجد وكل الخدمات وخلف المجمع حديقه اسمها اسباير حلوه وكبيره والتمشيه روعه كانها الهايد بارك اذا من هواه التسوق بين مجمع فيلاجو والحديقه مجمع للتسوق اسمه حياه بلازا فيه مسجد الدوله عجيب غريب زوريه قريب قناه الجزيره في منطقه المرخيه عندج السلام قريب من السيتي سنتر فيه اشياء راقيه الستي سنتر حلو واسعاره مناسبه المول قريب المطار هي الاشياء الرئيسيه واتمنى لج اقامه سعيده واذا حبيت اى سؤال انا حاضره وانا متاكده انك بتحبين قطر واهلا وسهلا فيج

مشكورة اختي salamh والله كفيتي ووفيتي يعطيج الف عافيه واي شي يخطر على بالي بسألج عل خاص

ان شاء الله حد يفيدج حبوبة
للرفع