خايفة اظلم الريال وياي بسبة تفكيري .. نصايحكم .. عالم الامومة

مشكوووورين بنات

ردودكم تجبر الخاطر بس حبيت اوضح نقطة الشاب بيخطبني بس القانون بيمنع تزويجنا

ولا ما كان لعب يهال ولا اي شي من اللي تقولونه انا ما احرض البنات الصغار بس اعتبرتها غلطة

وغفلة صحينا منها ويوم اني تبت وودرنا بعض بس كان من الحرام ولا نحن كنا نتريا اليوم اللي بيخطبني فيه ونتزوج بس الامور الحينه صارت صعبه وللعلم ه الشاب بعمره ما ضرني بشي 4 سنين وما طلب يواعدني ف مكان وما شايفني اصلا

امه تحضر اعراسنا وخواته يزوروني فالبيت

ما كنا متوقعين هالشي

الحمدلله انا راضية .. هذا نصيبي والمكتوووب

بس طرحت موضوعي بغرض انه الانسان ما كرهني فيه بأي حركة . وهالشي مخوفني اني ما انساه واحطه بمقارنة مع غيره

وانا انسانه عندي مشاعري مهما كان شي طبيعي تكون لي ردة فعل وانا ما كملت اسبوع من تفارقنا

وان شاء الله نصايحكم راح اخذها بعين الاعتبار

والحمدلله الله مصبرني بس بعده احس شي فخاطري ينغزني ومب عارفة اشووه

صدقيني لما بتتزوجين بتنشغلين بالدنيا وما بكون عندج وقت تفكرين فيه

وهالشي بأيدج إذا قعدتي تقارنين ما راح تنسينه

لو من البدايه كل ما يي على بالج تفكرين بشي ثاني أو تشغلين نفسج بتنسينه ولو ذكرتيه بتكون ذكريات سطحيه ثواني بس

انتي لما تتزوجين انوي انج تخلصي لزوجج وما تفكرين بغيره

حبوبة الدنيا لا تتوقف عند حدث مر بحياتنا ومن نعم الله علينا جعل الأنسان بتغير دائم وبكل مراحل حياتة

خاصة الأنسان الذي يريد أن يتغير ويبدء حياة جديدة وبكل المجالات ويكون عندة تفكير سليم وأرادة يستطيع التغلب

على الصعاب بس اذا الأنسان أغلق أفكارة وروحة بمسئلة وجلس ينظر للخلف لن يستطيع يعيش الواقع

ومثال بسيط نشوف ناس تعرضوا لحواث وفقدوا نعمة من نعم الله منهم من بقي بحالة حزن وكآبة وتحسر

ومنهم تغلب على الأعاقة وكفي حياتة ونجح شو أكبر من هيك أختبار وحريم فقدت زوج بالموت أو الطلاق وكملت

حياتها وكتشفت أن الحياة فيها الكثير نستطيع أن نكون سعداء فية ——

لذلك أقول لك أنت وحدك تستطيعي أثبات أنك تنجحي بالحياة الجديدة أو تعيشي كل حياتك تبكي وتتحسري وتقارني

على الماضي أنت من تجملي ما سوف يرزقك به الله بالرضا مهما كانت صفاتة وأقل من الأخر ——-

تفائلوا بالخير تجدوة —

وافقي احس تفكيرج صح من البدايه والله بيوفقج وبيعطيج على نياتج وانتي ماشاء الله عليج احس حكيمه

غناتي كلها اوهام من ابليس

ما يبالج الخيره

صدقيني من اتعرسين راح تنسين كل شي

وبتنشغلين بحياااتج اليديده وعقب اعياالج ان شاء الله ^_______^

وادعي من قلبج انه الله يسخر لج الريل الي يحبج واتحبينه وينسييج الدنيا وما فيها ^^

حاولي من هالايااام انج تنشغلين بعمرج من ناحية التقرب لربج وبأشغال الدنيا

انتي الشيطان قاص عليج ويالس يرسملج اوهااام بمخج ويذكرج بالماضي عشاان تضعفييين

بس كوني اقوى من كل شي ^_____^عشاان ربج يوفقج مع الريل الي يستاهلج وتستاهلينه

حبيبتي في بنات يتمنون حد يخطبهم ويتريون سنين مب زين انج ترفسين النعمه

وانتي من تتزوجين تنسين كل شي وراح تضحكين على تفكيرج صدقيني

وبتحبين ريلج اكثر من اي حد لانه بيكون حلالج ومستحيل بتفكرين في غيره

ولاتحاولين تقارنين ابد قولي هذا نصيبي وان ماعيبج فيه شي اتفاهمي وياه بالحب

والطيب او قولي له اللي في خاطرج والا حاولي تغيرينه بحبج ربي يوفقج