أهلين بنات
ايش أخباركم ؟!!
بنات بغيت أفاتحكم في موضوع شاغلني و شاغل كثير ناس من أهلي , عندي 3 خالات ما شاء الله مو ناقصنهم شي , جمال , دين , أخلاق و تقدموا ليهم ناس واجد بس ما يرجعوا , يعني بس يسألوا عنهم و يجوا بس ما يرجعوا و هذا حالهم كلهم , الثلاثه منهم , و ماحد يعرف ايش السبب و المشكله ان الكبيره الحين قربت على ال 30 … فيه أحد مر بنفس المرحله أو يعرف حل نسويه أو يعرف حد صابه نفس الشي ؟!!
شكرا
الزواج قسمه ونصيب
والله يرزقهم بالازواج الصالحين ان شاء الله
كلهن عرسن و هي كانت اصغرهن
و كان شكلهن كنهن 25
و كانن يشتغلن و يروحن النادي و يرسمن و يسافرن مع محارم طبعا
يعني يشغلن وقتهن كله
و ما شاء الله عرسن و خذن رجال من زين الرجال الحمد لله
و متهنيات و كل وحده عندها ما شاء الله 3 و لا 4
يعني الله عوض صبرها خير
الدنيا تغيرت ما عادت مثل الاول !
الحين كل حد ما شاء الله يتزوج سواء 15 و لا 45
لا تيأسون و لا تتشكوون
الله يرزقهن لزوج الصالح
المشكله مب بس فالبنات.. الرياييل الحين جذه في منهم ما يبون يعرسون ويتمون لييين يعدون الثلاثين وفي منهم يوصلون الاربعين بعد.. وواحد سمعت عنه عرس وهو على ابواب الخمسين.. حتى القاضي استغرب يوم قالوله هذا المعرس ^^
ويااااا كثر ما نسمع الحين عن بنات عرسن كبااار عقب الثلاثين..
خليهم عايشين حياتهم وشاغلين وقتهم باشيا مفيدة يمكن عقب ما يعرسن ما يرومون يسوونها..
وان شاء الله ربج بيكتب لهن الخير فوقته وبييهن ولد الحلال ..