خواتي طالبتنكن طلبة
قولن تم
فديتكن ابا اسير افصل لعيد الاضحى من الحين واخلص قبل الزحمة
بس ابا مساعدتكن في شي
العيد هذا خاطري اغير الاستايل كل عيد مخاوير مليت منهن
خاطري اسوي شي الكل بنبهر فيه ويسال عنه خاطري ومنى عيني اسوي نيو لووووووك
ابا محلات اتفصل جلابيات وموديلات حلوة وهادية تنفع للعيد في دبي او الشارجه
او عجمان واتكون اسعاره معقوله
يعني اريد موديل حلو وخفيف ما احب الزحمة والموديلات الثجيلة
ابا شي حلو وخفيف وراقي ومميز
مثلا موديل حلو وعلية شوية شغل فصوص او اي شي ثاني المهم استايل يديد
واللي عندها صور ياريت اتحطها لي
واللي اتعرف محلات اتبيع قطع قماش راقية وحركاتها يديها اتقولي عليهن
ان شاء اله تقدورون اتساعدوني في طلبي
والله يجزيها الجنة اللي بترد علي
ياريت اتردون علي بسرعه لاني ان شاء الله ناويه اسير اخر هالاسبوع او الاسبوع الياي بالكثير
واذا اقل في محلات تبيع شغلات راقيه وحلوه
اذا تبين دراعات فرنسيه بشغل هندي عندج محل الياسمين في دبي مول
)
وطبعا مافي شي رخيص الدنيا شابة ضو .. يعني اقل شي 3500 ….. وطاااااالع
لكن اللي يبا يكشخ لازم يدفع .. والنيو لوك يستاهل ؛)
كل عيد مخور مخور
اكيد مانستغني عنه
بس التغيير حلو
الله يوفقج
واتسوين احلا واكشخ موديل
واذا ماعندج ميزانيه عوده روحي محلات الكلفه بتحصلين شغلات حلوه عاد انتي وذوقج
ومشكورين عالمرور
فديتكن الصراحه الميزانية بتكون تحت الالف
لاني ما احي اشتري شي غالي وبعدين ما استغله غير مرة احس انه الله بيحاسبني عليه
ابا شي راقي وحلو وسعرة في حدود المعقول
لاهووووبه فديتج
ممكن اتقولين لي وين هالمحلات بالضبظ
ابا شي هادئ ورقيق ما احب الربشه
حتاويه صح انا ما نستغنى عن المخور بس ملينا نريد نغير حق اول يوووووووووووم
موانئ السحر
مشكورة فديتج بس انا ما احب الاسراف وايد لاني مثل ما قلت احس بتانيب الضمير وخصوصا انه هاللبس بس حق مرة لانه موب حلو حد يشوفه عليج مرتين
يزاكن ربي الجنه لا خلا ولا عدم ياب
انتظر اراءالبقية
ع
فديتج وين مسويه الفستان وكم سعرة بالضبط؟؟؟؟؟؟؟ واذا اتقدرين اتحطين لي صورته ما عليج امررر
المشكلة فديتج انا ما اريد شي راص على جسمي وايبين معالم جسمي لانه خوان ريلي موجودين في البيت فحرام ما اريد اخذ اثم على شي ما يستاهل