خاص بظلم للزوجه الأولى للزوجه الثانيه لتربية الطفل

ونقول بسم الله الرحمن الرحيم
فعَنْ أَبِى هُرَيْرَةَ رضي الله عنه عَنِ النَّبِيِّ صلى الله عليه وسلم قَالَ : (لاَ يَحِلُّ لاِمْرَأَةٍ تَسْأَلُ طَلاَقَ أُخْتِهَا لِتَسْتَفْرِغَ صَحْفَتَهَا ، فَإِنَّمَا لَهَا مَا قُدِّرَ لَهَا)رواه البخاري

كل وحده تتمعن الحديث وتفهم معناه احن ليش نظلم البشر على حساب سعادتنا ؟
يعني بنات لا تزعلون مني في حريم الله يسامحهم
– مقصرين في حقوق الزوج الشرعيه
– فيه بعض الحريم مايبون إلا كلمتهم تمشي والريال طرطور
– فيه حريم مسيطرين على ريايلهم بطريقه جنونية لدرجة انها ماتخلي هذا الزوج انه يروح لاهله
– فيه حريم عندهم صفه حب السيطره فقط يعني انا اتملك الزوج بكل مافيه ولو كرهني اهم شي ماياخد غيري أهم شي حبر على ورق .
– فيه حريم تكلم عن اعراض خوات ريلها من الغيره الشديده
– فيه حريم كله طلعات عند ربيعاتها وهامله الزوج

وبلأخير الريال يشوف غيرها وتقول زوجي ظلمني خبريني كيف ظلمج؟
بنات حطوا فبالكم انا ماأتكلم عن فئة الريال اللي يحب التعدد انا أكلم عن فئه معينه فئة الريال اللي يتزوج ثانيه وعنده أسباب كبيره وكثيره

نرجع لموضوعنا كيف تقول الريال ظلمها وهي ماقدرت الريال ولا سوت له أي احترام ولا أسعدته بشي
كيف قالت أنا أكرهه ماقدرني واانا مظلومه ؟
بس عزيزتي انتي مب مظلومه انتي ظلمتي عمرج وريلج وعيالج انتي خربتي بيتج بأيدج وهدمتيه مب كل ريال عنده قوة تحمل على أفعالج الدنيئة ومب كل ريال يضحي بسعادته عشانها تراه الريال يتعب ويشقى ومثل مالحرمه مرتاحه هو من حقه يرتاح بعد .
نرجع للحرمة الثانيه الحين الريال فكر بالحرمه الثانيه وتزوج ويبغي يرتاح من عناء السنين كيف تروحين تسعين وراه عسب يطلق الثانيه ؟ هل الثانيه ظلمتج ؟ جاوبي وإنتي وضميرج جدام رب العالمين
هل الثانيه أذتج بشي ؟ جاوبي وإنتي وضميرج جداوم رب العالمين
الثانيه مب ذنبها هالشي الله سبحانه وتعالى شرع التعدد وأنا من راي إذا الريال شاف هالصفات بالحرمه اكيد بيعرس مب مرتاح فبيته عيل كيف يرتاح ؟ بالحرام ! لا وألف لا أهون ياخد ثانيه ولا يلجأ بالحرام وينقل لج الأمراض .

ثاني شي في بعض الحريم يلجأون للسحر والسوى والعمل والعياذ بالله عسب الريال يتعلق فيها بس أنا اٌول لها الفئات من الحريم
(ظلمتي عمرج وعيالج وظلم الحرمة الثانيه بيتم ذنبها برقبتج ليوم الدين )
حطي هالكلام فبالج زين ترا الظلم مب هين
والله قال فكتابه (وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ)
بنات لا تسعون ورا الدنيا على حساب شخص انظلم صدقوني الدنيا دواره واللي استوى للثانيه بيرجع عليكم وغير عقاب الله ودعاء المظلومه مستجابه ولا تقولين مابيستوي شي بعيش مرتاحه بدونها أنا وريلي لاااا
الله فوق ويمكن انتي ربطيه بعياله وطلق الثانيه يمكن الله سبحانه ينزل عقابه فيج أو فعياله وبدل ماتكونين مرتاحه فدنيتج اتكونين أخس عن الحاله اللي كانت هي فيها وياج .
صدقوني ياليت لو كل وحده تفكر قبل لا تسوي أي شي حطي فبالج
الدنيا زايله
الدنيا زايله
الدنيا زايله

الريل مابينفعج عقب لا تسعين ورا الظلم وفيه بعض الحريم يشجعون ربيعاتهم على المنكر وبقولكم قصه عن بنت مسكينه وهي زوجه ثانيه تزوجت تقريبا والله ماذكر بس يمكن 3 شهور وتطلقت ليش؟ مسوين لها (سوا)
حرام يا حريم ليش ؟ ترضون هالسوى حد يسويه لكم ؟ ترضون حد من عيالكم يسوولهم سوى ؟ اكيد لا لا لا ولا ترضون تعيشون على حساب ظلم شخص ثاني ؟ مهما كان هي خلاص تزوجت كيف تفرقينهم عن بعض الله سبحانه مايرضى تراج ماحافظتي على بيتج ولا عيالج كيف الحين تفرقين هم ؟

يالحريم فكروا بكلامي زين واتقوا الله ترا الظلم ظلمات .