شحالكن حرمات
ابا استفسر عن شي
أنا مربي آخر شهر واحد و ولدي كمل 5 شهور الحين
المهم انا كنت مربي بقيصريه لانه راس البيبي كان فوق
وانا مربيه أول مره ببجري طبيعي
المهم الدورة تاخرت عليه وابدا ماكنت اتوقع اني بحمل وبس أتريا الدورة تنزل عشان اركب لولب
كنت ما ابا احمل لين 5 سنين اولا لاني مربيه قيصرية وثانيا لانه الكلى تتعب عندي على الحمل واهم سبب ما ابا اهمل ريلي وبيتي وعيالي لانهم صغار و ورا بعض
لكن الحمدلله الخيره فيما اختاره الله
مازعلت ولا قلت ليش قلت الحمدلله نعمه من الله وصليت ركعتين شكر
الحمدلله
لكن ما اخبي عليكم في قلبي خووووووووووف وقلق مش طبيعي
وااايد خايفه من الوحام وخايفه على عيالي ما ابا اخليهم على البشكاره وانا على الوحام مزاجي يتعكر واعصب وااااايد وخايفه اكثر شي من العمليه
لانه ولديه البجر تعقد بعد العمليه لاني قمت ماا اشله ولا اسبحه ولا اغيرله ولاني بت في المستشفى 5 ايام والله الولد تعقد وتم مايشرب حليبه ولا ياكل وصابه اسهال اسبوعين وصار عضم ويلد وانا قلبي محترق عليه
ياربي تعيني يااااااااااااااااااااااااارب يارب انته اعلم بحالي
ابا اسألكم منو ربت طبيعي بعد العمليه
للي حملت على طول مثلي
أعرف وحدة يابت أربع ورا بعض قيصرية
والله يصبرج ياارب 
ما يفيد العتب الحين يا أختي
والحمد لله
أختي تابعي حملج وعلى طول راجعي الطبيبة المشرفة عليج لأن في أحيان يكون الحمل مكان العملية وتكون فيه شوية مشاكل
خبريها بتاريخج الطبي عشان تساعدج
والمرة الياية لازم تنظمين الحمل عشان لا اطيحين في حمل آخر مباشرة وتتعبين
وبالنسبة للولادة … في إمكانية كبيرة انج تربين طبيعي
أنا مش طبيبة ولكن مطلعة
وكل وحدة فينا بتفتي باللي تعرفه لكن انتي مالج الا الاستشارة الطبية الصحيحة
سلامتج
وخالص تحياتي
هاي نعمه من الله و ان شاء الله ربج بييسر لج حملج وولادتج
بس لا تنسين اتتابعين ويا الدكتوره من بداية الحمل
الله ييسر لج و يعينج ان شاء الله
عندي ربيعتيه ربت طبيعي من بعد القيصريه ^^