اشلونكم, ان شاءالله كلكم بخير الحمدلله.
تعرفون المثل اللي يقول ""بعد ما شاب ودوه الكتاب""
الحمدلله بعد ما كنت بطالية و قاعده بالبيت لا شغله ولا مشغله الحمدلله الله سهل اموري و سجلت في خوش جامعه.
جامعة الجزيرة
الجامعه جديده و مبناهم بالطوار, نفس المبنى مال جامعة زايد سابقا. و دشيت مبانيها وايد حلوه و شرحه ماشاءالله.
و اهم شي كان بالنسبة لي انها معترف فيها, و بدخولي هالجامعه ما راح اضغط على زوجي بالمصاريف. لأنه رسومها و لله الحمد تعتبر معقولة جدا مقارنة بجامعات ثانية. الماده 2700 درهم. يعني اذا راح آخذ 4 مواد و ماراح اكثر عن جذي علشان اعيالي اقدر اجابلهم راح يطلع بالكورس ان شاءالله 10800 درهم يعني بالسنه تقريبا 21 الف و 600 درهم.
و شي ثاني خواتي انه الجامعه تقبل كل اللي متخرجين من الثانويه من سنة الطفحه نفس حالتي. يعني اذا اي وحده فيكم متخرجه من زمان و ما سمحت لها الظروف انها اتكمل. حياكم خواتي كملوا وياي
و لنرفع شعار الجامعه "" العلم لا يعرف سنا ولا نسبا ولا لونا ""
قالولي عندهم تخصصات يديده و هذا شي حلو و مميز واللهو ان شاءالله انا قررت على تكنولوجيا المعلومات, و دراسته بالانجليزي يعني لازم امتحن توفال و اييب فوق 500 ان شاءالله. و الله لا يقول ما قدرت عندهم مواد تأهيل علشان نرفع من مستوانا في الانجليزي.
و شي بعد اللي عندها دبلوم و تبي تكمل تقدر تكمل. يعني ماشاءالله مسهلينها علينا من كل النواحي.
الله يسهل امورنا و امورهم يارب و يوفق الجميع ان شاءالله.
اي سؤال انا حاضره و بالخدمه و اللي تبي تسجل ضروري تقولي علشان اساعدها و ان شاءالله خير يارب.
بالتوفيق في دراستج … والله يسهل امورج ..
ما تقصرين يا بنت الكويت …
المشاركة الأصلية كتبت بواسطة شهلا2008 
بالتوفيق في دراستج … والله يسهل امورج ..
ما تقصرين يا بنت الكويت …
اختي شهلا
و انتي صاجه الجامعه يديده من جذي ما سمعتي عنها. لكن راح تنزل اعلاناتها قريب ان شاءالله في الجرايد و المجلات و التلفزيون و كل وسائل الاعلام.
و بعدين اساتذتها ناس كفؤ ان شاءالله و و ماسكها دكتور و النعم فيه و الله
تسلمين على الدعاء الحلو اختي و الله يوفق الجميع ان شاءالله و يسهل امورهم
لاني انا نفسي ادرس اعلام مع اني بكالوريوس حقوق بس ابا ادرس اختصاص غير
ياريت تردي علي
ومشكورة والله يوفقج ان شاء الله
المشاركة الأصلية كتبت بواسطة ونــة ألــم لاني انا نفسي ادرس اعلام مع اني بكالوريوس حقوق بس ابا ادرس اختصاص غير
ياريت تردي علي
ومشكورة والله يوفقج ان شاء الله
ابشرج عندهم اعلام يا اختي
و اذا تبين تروحين تسجلين بلغيني علشان اعطيهم اسمج و كل شي علشان يتوصون فيج و يساعدونج و ان شاءالله خير يارب
للرفع
ارفع الموضوع علشان الكل يستفيد