بخبركن السالفه ودخيلكن شورن عليه شسوي وكيف اتصرف
بنات ربيعتي الكلوووووووووز توها عروس ما كملت شهرين
وتواجه وايد مشاكل ويا ريلها .. يمكن يكون شي طبيعي بما انهم توهم معاريس وبعدهم ما تفاهموا ولا خذوا على بعض وايد
المهم
ريلها يوم زين وياها وعشره لا وتستوي المشاكل بينهم على اتفه الاسباب
مقصر معاها من ناحية الطلعات والسيرات مع انهم معاريس المفروض في هالفتره يطلعها ويدلعها وانتو ادرى بهالسوالف
اخر مشكله صارت بينهم هددها ان يردها بيت ابوها مع ان والله يا بنات السالفه كانت جدددددددا سخيفه وما تستاهل
مب هنيه المشكله
المشكله ان الريال يخوووووووووووونها
ارد واكرر … هذا وهم توووووهم معاريس ما كملوا شهرين
طبعا يخونها من غير علمها
يتقولون كيف
انا بخبركم
من فتره عطاها فونه عشان تستخدمه وتم عندها فتره ..
قالتلي في رقم في فون ريلي قلبي قارصني منه
قلتلها ليش
قالتلي انها شافت وااااايد مكالمات من نفس الرقم خلال اسبوعين
والمكالمات كانت طويله مال نص ساعه واكثر
قتلها عادي واحد من ربعه نفسنا نحن البنات انتم نرمس بعض بالساعات ما فيها شي
قالتلي لا قلبي قارصني واحس ان السالفه فيها ان
وطلبت مني اني اتصل اجيك واشوف منو اللي بيرد عليه
فالبدايه ما طعت ما بغيت ادخل وخفت ان تكون وحده وتستوي مشكله
تمت مصره الا اتصل واشوف منو
اتصلت من الدوام وردت عليه وحده!!!!!!!!!!
كلمتها شويه ومن رمستها عرفت ان البنت من دوله عربيه مش مواطنه
يعني الريال صدق يخون حرمته !!!!!!!!!!
والله يا بنات ان صخت بي الدنيا وتميت مويمه مب عارفه كيف اتصرف وشو اقول حق ربيعتي
وايد وايد وااااااااااااااااايد غمضتني ربيعتي مع انها والله جمييييييييله ودلوعه وما عليها قاصر ولا انها مقصره وياه وهم توهم معاريس وجي يسوي ليييييييييييييييييش لييييييش
انا يتني الغبنه وتميت اصيح على ربيعتي عيل هي كيف بيكون حالها اذا عرفت !!!!!!!
المهم
طبعا ما قدرت اخبرها انها وحده قتلها محد رد عليه اكيد واحد من ربعه وانتي لا تحطين فبالج ولا اتمين توسوسين
وسكتت عن السالفه
لكن انا نيييييررراااااان فيوفي ليش يسوي جي ليش يرمس بنات مقهووووره والله يا بنات مقهوووره
وهاذي وحده الله يعلم اذا يرمس غيرها والا
انا الحين ما عرف هل هو بس يرمسهن والا انه في بلاوي ثانيه
يزني وياهن مثلا
في هالحاله ربيعتي صحتها فخطر اخاف ينقللها امراض منهم
والله يا بنات راسي داير من هالسالفه ولا عارفه شو اسوي
طبعا ما اقدر اخبر ربيعتي واخرب بيتها وهي توها عروس
لو عرفت بتنهار والله بتنهار
انا احاول انصحها واقولها اكسبي ريلج ولا تخلين المشاكل العاديه تخرب بينكم
وهي مسكينه تحاول قد ما تقدر انها تتجنب المشاكل وياه
لكن بليا فايده
بنات دخيلكن شورن عليه شو اسوي
اسكت واطنش السالفه
ولا اخبرها عشان تتصرف
اسمحولي طولت عليكم ويمكن رمستي مخربطه ومش مفهومه وايد بس والله من غيضي وقهري
اتريا ردودكن خواتي
لمحيلها تهتم في ريلها و بيتها و خليها تتكلم وياه و تشوف شو اللي قاصرنه أو إذا هي مقصره في شي في حقه.
وعسي الله يهديه و يصلح شأنه
خليهاااا تستشير مكتب التوجية الاسري
لاحوله ولا قوله الابالله العلي العظيم
الله ييب اللي فيه الخير ويسخرلها ريلها يا رب
والله يا اختي مآ اعرف شو اقوول لج عسى الخواات يفيدوونج
~_~