حوامل العين اللي بتراجع في مستشفى الجيمي وبتربي عندهم للصحة

اخباركم حوامل ان شاء الله صحتكم زينه

الله يخليكم انا اول مره اولد في العين ولادتي السابقه وحده في دبي ووحده في ابو ظبي وبالرغم انهم عمليتين بس الحمد لله جرحي نظيف والعنايه كانت ممتازة وما كانت عندي اي مشاكل ولله الحمد

لذلك هالمره خايفه موووت ما اعرف منو الدكتورة الزينه بمستشفى الجيمي بالنسبة للقيصريه وخايفه تكون عنايتهم مو زينه وهالموضوع مأرقني وممخليني انام الليل

كنت اراجع عند دكتورة وسناء في عيادة خاصه وفتحت ملف من شهر ورحت مره وحده ودخلوني وحده هنديه وبسألها كيف تسدون جرح العمليه كالتلي مثل ما تحبي كلتلها كبس مش خياطه ولا دبابيس وما فمهت علي طيب اذا ما فهمت علي معناته ما عدهم كبس ولا ليش ما فمهت وجلست ساعه اشرحلها بس تكول اوكي وانا بصراحه اريد كبس واللي مشجعني اروح الجيمي الكل يمدح بطاقهم الطبي بوجه عام مو بشكل خاص واسم دكتورة معينه
الله يخليكم اللي مراجعه عدهم طول اشهر الحمل تخبرني منو احسن دكتورة وشنو معلوماتكم عن المستشفى ورعايتهم والنيرس

ودمتم برعاية الله

ان شاءالله تولدين بالسلامه

بس خبروج بعد ان هالمره عمليه ؟؟

وأختي مسويه عمليه عندهم من 5 سنين والحمدلله ناجحه

الله يوفقج

.:. اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي .:.

ايوه اكدولي عمليه لانه بعد القيصريتين صعب اولد طبيعي الا بقدرة الرب العالمين ونعم بالله …بس من خمس سنين فترة كبيره يعني ممكن الدكتورات تغيروا صح ؟؟

حبوبه انصحج تسيرين توام احسن لج

لانه الجيمي مادري مافيه كوادر طبية قويه ونظيفه

والله يسهل عليج يارب

للرفع