وخليني ادخل في الموضوع
سرت لربيعتي وتميت انصحها من نصايحكن واقول بس ردت عليه قالت
لااااااااااا أنا أعرف كيف أتصرف مع ريلي وهيج حرمه اخوووه
قتلها كيف ؟؟؟!!! قالتلي بشي اسمه العين بالعين و السن بالسن والبادي أظلم
وبدت ترمس …. اتقولي اتحيدين بعد ما كنت اانا الخجوله اللي اظهر ع هله بالمخور والميكب عطووول امسحه من خجلي من اخوانه بالذات العووود صرت العكس
صرت البس الراااااص واكشخ وابين جمالي دام ريلي ما حس بجمالي يمكن هيج حرمه اخووو اتحس بجماااالي واتقوووولي دوووم انا فل ميكب لبس كااااشخه عدسات عطووورات
واتقولي مثل ما كان ريلي يغااايظني في هيج من كثر يلساتهم صرت انا ابدا السوالف مع اخوانه وهااااات بالظحك ….
ريلهاااا انصدم فيها دوم يقولها امممم خفي الميكب اشوي اتقوووله ليييش حبيبي عااااادي اخوانك شرات اخواااني !!!
لااا والعوق قامت اتحب عيال اخوانه !!! قولوا كيف مثلا اتقوله حياتي بس ممكن اتشل بنتك ترا ولد اخوك الصغير يصيح وانا اموووت فيه ما روم اخليه بسير اشله عن امه !! يقولها وبنتج اتصيح تقوووله عاادي خلها عندك بتسكت
يعني لهت ريلها ببنته لي ما ياها قالها ليش انتي ما تحبين بنتج شرات عيال اخووويه !!!
ودوم اتحسه يحووووم حولها من الخوف من زود كشختها ولبسها يقولها خفي واهي طاااااف بس اتقووولي من بديت
اعامله بالمثل ….. اصطلب !!!!
وعلى فكره هيج بدت تحشم عمرها وترد اشوي من اللي جافته من ربيعتي وربيعتي اتقوولي انا همي في الدنيا رضا ريلي واهله من ظمنهم حرمه اخوووه !!!
واتقولي كسبت ريلي وحرمه اخوووه واهله بدوووون مشااااكل
بنات انا ما عرفت شو ارد عليها اقولها اللي تسوينه غلط والا صح وانتوا شو رايكم في ها الحل
الله يهدي الجميع …
بس هي غلطانه وصح في نفس الوقت
غلطانه لأنها بينت زينتها لغير ريلها
وصح لأنها ذكيه عرفت تجلب الموقف لصالحها
ويعيبووني الحريم اللي من أمثااااال ربيعتج …
الله يوفقها
انا اؤمن بنظرية <<<الحقرااان يقطع المصررران>>>
بس هالشي له ايجابيات و سلبيات في نفس الوقت… منها انه ريلها اصطلب و منها انها صارت ما تهتم في عايلتها و همها الباقييين…..
ان شاء الله يهدي سرهم و يصلحهم
بدل ما تحل الموضوع
تغضب ربها باظهار محاسنها لغير ريلها
نساء كاسيات عاريات
الله يهديها