حليب نيدو1 أنقرض,,, شووو البديل

السلام عليكم
أكيد لاحظتوا إنه حليب نيدو1 امخلص من الجمعيات والكارفور واللولو وشويترام وسبينس,,, ما خليت مكان ما دورته ولدي عمره سنه وكم شهر وأنا أعطيه نيدو,, شو أقدر أعطيه بديل عن النيدو لعمر سنه؟؟؟
فيدوني الله يجازيكم خير

والله صدق ولدي الاول ببدا وياه نيدو رقم 3 والثاني رقم1 فلاتقوليلي انقرض بشوف اليوم بسير كارفور الي في امارات مول انشالله احصل عندهم
وانشالله انتي بعد اتحصلين لولدج
وان حصلت انا بخبرج

لا اتعبين عمرج سرت كارفور الإمارات مول وماااا حصلت
الحين شو البديل؟

ما أحب أعطي اعيالي حليب فرش أفضل شي مدعم بالحديد والكالسيوم والفيتامينات
مشكوره

بالعكس حبيبتي الحليب الفرش احسن شي ومكمل الحديد والكاليسيووم اكثر من اي حليب قواطي

ان شاء الله تحصلين البديل المناسب ..

كان منقرض لأنه رفعو سعره من الشركة وما قامو ياخذونه الجمعيات بس الحين موجود