سويت المارس من احلى السويتات عندي
اسويه باكثر من طريقه واليوم بحط طريقة حلوه
اغلب السويتات اللي اسويها تكون ببسكوت اولكر بس هالمره جربت بالكيك وطلع وايد حلو
نبتدي بالمقادير:
الطبقة الاولى:
كيك شوكلاته جاهز … سويها نفس التعليمات المكتوبه على كرتونة الكيك
الطبقه الثانيه:
4 حبات جبن كيري
1 كيك كراميل
2 دريم ويب
1 قشطه>> انا حطيت واحد ونص لاني حسيت الخلطه شوي
شوية حليب نص فنجان حطيه بحال حسيتي انه الخلطه ثقيله
الطبقه الثالثه:
5مارس
2 قشطه>>انا استخدمت واحد ونص
وشوية زبده انا ماحطيتها بس يمكن احسن لو نحطها عشان مايكون المارس وايد متماسك
الطريقه:
نطبخ الكيك
بعد مايجهز نفتته ونرصه بصحن بايركس
نخلط الخليط الثاني بالخلاط ونحطه فوق الطبقه الاولى وندخله الثلاجه لبال مانسوي الطبقه الاخيره
ونجهز الطبقه الاخيره
نحط المارس بحمام مائي مع الزبده لبال مايذوب ونحط القشطه
سوري ماصورته يوم ذاب نسيت
ونصبه على الطبقه الثانيه ونرد ندخله الثلاجه لوقت التقديم
وبالهنا والعافيه عليكم
سهل انصحكن تجربنه
" أسأل ربي الذي قال وقوله الحق:
{ ادعوني أستجب لكم }
أن ينظر إليكم نظرة رضا لايعقبها سخط أبدا ويلبسكم ثياب العافية لاينزعها عنكم مددا آمين "
ربي يعطيج العافيه 
تسلم الأيادي