حلى التوست بس رهيب طعمه.. للمطلقة

السلام عليكن

اشحالكن.؟؟

بصرااحه اللي شجعني اكتب في هالقسم ام خويلد ماشاءالله عليها احس عندها خبره في الطبخ..

قلت اعرض بعض الطرق اللي اسويها في البيت..

بس هالمره بكتب الطريقه بدون صوور لاني ماصورتها مالحقت عليها..

مقادير الاكله..

توست كيس او كيسين..
عصير اي نوع او حليب سائل
كريم كراميل
فواكه حسب الرغبه اتكون في معلبات او تقدرين اتحطين اناناس
كريمه صنع البيت…بقولكم مقاديرها وطريقتها..

………………….

الكريمه مقاديرها
كيس دريم ويب نخفقه ونضيف له اربع كاسات قشطه وكوب شيره اللي هو القطر..
واتكون الكريمه جاهوه..

…………………………….

طريقة حلى التوست:
نحضر طبق زجاجي مستطيل..
التوست نقطع منه الاطراف البنيه
بيكون عندج عصير او الحليب اللي تفضلينه…اتغطين التوست بس يكون على السريع علشان مايذوب وياج التوست ويخترب…
اتصفين التوست في الطبق بتكون عندج اول طبقه من التوست…طبعا بتكونين مسويه الكريم كراميل اتصبين نصه على التوست واتحطينه شوي في الثلاجه لين مايتماسك..
اتحطين الفواكه اللي بخاطرج واذا ماحبيت عادي بدون فواكه..
واتردين اتصفين الطبقه الثانيه من التوست واتصبين فوه الكريم كراميل..
وتخلينه يجمد شوي..واتغطينه بالكريمه اخر شي..

واتحطينه في الثلاجه لمدة شاعه

وبالهناء والعافيه..

جربوا وقولولي شو رايكم ..

واذا عن الصور برد اسويها وبصورها انشاءالله

شكلها لذيذ وبارد بهالصيف
بسويها لديوانيه ريلي يوم الاثنين

سهله وخفيفه ومقاديرها زاهبه عندي

تسلم ايدج يا عسل

تسلمين ع الوصفة … ومشكووورة

مرحبا اختي لحظات تسلم ايدج علىهالاكله اللذيذه وبينور مطبخ منتدانا بطبخاتج الحلوة يالله شدي حيلج وصوريلنا طبخاتج علشان نستفيد منها ترى الطبخات المدعومة بالصور اتشجع الواحد يجربها اكثر من الوصفات اللي ما فيها صور
نتريا جديدج في القريب العاجل لاتتاخرين علينا

تسلمين على مرووورج الغاليه وحياج

العفو الغلا

حيا الله ام خويلد
نورت صفحتي بوجودج الغاليه..

انشاءالله من عيوني بصور لكم الاكلات اللي اسويها..

وترقبوا الجديد مني