حلى أيسكريم الشعيرية بالصور >> ادخلوا ما بتندمون من مطبخي

أكيد بتقولون فخاطركم هاي مب مصدقة عمرها كل يومين منزلة أكله >>> خخخ

شو أسوي أنا أموت عشي اسمه طباخ وفخاطري كل الناس ياكلون من أكلي

أحب أفيد وأستفيد وأييب اليديد >>> شعر صح خخخ

الموهيم ،، يبت لكم اليوم حلى روووعــــة عن تجربة ماخذتنه من مدونة من فترة
وجربته وطلع شي شي مو أي شي ،، ودوم أي وحدة تذوقه تقولي أبا الطريقة
وخاصة الرياييل يموتون عليه >> إغراء للمتزوجات

خلطة الوجه:
2 كيس دريم ويب
1قشطة
ثلاث حبات جبن كيري
3 ملاعق حليب بودرة
حليب مركز محلى الصغير (أنا استخدمت الكبير تقريبا ربعه أو أكثر شوي حسب الذوق)
ربع كوب حليب سائل

الطريقة:
نحمس الشعيرية بالزبدة حتى يصير لونها ذهبي ونضعها في الصينية

نسوي الكريم كراميل كما هو موضح فئ الكرتون

ونصبه على الشعيرية وهو حار

نرص البسكويت على الشعيرية ونشربه بقليل جداً من الحليب السائل

نسوى خلطة الوجه في الخلاط

ونصبها على الوجه

نزينها بأى نوع من الشوكولاته (أنا زينته بالعسل اللي يكون ويا الكريم كراميل وعدلته بالشوكة)

نخليها تبرد في الثلاجة لين تجمد طبقة الكريمة وعقب تكون جاهزة للتقديم