صباح الخير
صراحة اليوم يايبتلكم سويت سهل ولذيذ
والاهم من هذا انه معمول بحبيب قلبكم الفيمتو اللي من يوم كنتو في بطن أمكم وأنتوا تشربونه
….والى الان طبعا خاصة في ارمضان
….تذكرت ايام الطفولة وايام الشوارب الحمراء من بعده
وأيام عسكريم الفيمتو المثلج بصلب البراقع
الله على ذيج الايام….
وعشان ما اطول عليكم بذكرياتي ….اليكم الطبق…
حلو الفيمتو طبق خفيف وسهل و طعمه و لا أروع
المقاديــــر :
الطبقة الأولى :
3 كاس بسكوت مطحون
اصبع زبده
فنجان قهوه حليب سائل
الطبقه الثانيه :
علبه روب
8 فنجان قهوه حليب بودر
3 فناجين قهوه سكر
الطبقة الثالثة :
فنجان قهوه فميتو مركز
فنجان قهوه ماء
ظرف كريم كرمل
الطريقــــــه :
تخلط مقادير الطبقه الاولى مع بعض وترص في الصينيه ، تخلط مقادير الطبقه الثانيه في الخلاط وتصب على الطبقه الاولى ، وتدخل الفرن من فوق حتى تجمد وتترك لتبرد ، تخلط مقادير الطبقه الثالثه مع بعض وتوضع في القدر لتغلي ثم تترك قليلا لتبرد ، وتصب بالتدريج على الوجه وتدخل الثلاجه .
هني وعافيه على قلبكم .
شكلي بسويها مشكوره…..