يا ليت اللي عيالها في حضانة كيدز آر اص تخبرني عن تجربتها …
انا من الاسبوع اللي طاف دخلت بنتي فيها …
بس لين الحين ما شفت شي >_< وكل ما اسألها تعلمتوا شي ,, تقولي ما اعرف >_<
للعلم بنتي عمرها 3 سنين ونص …
بس تخبرني انه يطلعونهم برع ويلعبونهم .. اما شي ثاني لا !!
وبعد اللغه الانجليزيه لين الحين ما اشوفها تعلمت شي …
يا ليت اللي عيالها ف كيدز آر اص ,, تخبرني .. شو رايها ؟؟
انا حاطه بنتي فيها من ثلاث شهور
وحفظت سورة الفاتحه وبعض الايات البسيطه
وتعد من 1-10
ومرة شافتني اصلي وقامت تصلي
ولي اعرفه انهم يعطونهم الصبح تمر ويا ماي
ويعلمونهم ادعيه الطعام
واختي بعد حاطه ولدها واخوي حاط بنته
بس وحده في المنتدى قريت من فتره تقول ان الحضانه مب زينه
والله مادري انا شفتها اوكي
وان شاء الله البنات يفيدونج اكثر
انا بنتي وديتها الاسبوع اللي طاف .. شفتها زينه والكل يمدحها .. واللي عيبني انه المدرسات مواطنات
هيه اللي عرفته انه الريوق يكون تمر وحليب على ما اعتقد ,, بس بنتي تقولي ما يعطونهم !!
ولين الحين ما يتني بيديد ,, ما تعلمت شي >_<
او ان بنتي بتصير من النوع اللي ما يقول شو يصير ف المدرسه
هاللي خيفانه منه .. الله يعين ..
والباجيات ؟؟؟ اللي تعرف شي يا ليت تخبرني ..
بس ماباه يتعلم الانجليزي اباه يتعلم اشياء ثانيه نادرة الوجود في المدارس الثانيه
باجر بسير وبشوف المديره وباخذ لفه على المدرسه <<<<<<< وزير التربيه اليديد هاهاهاها
لابس جد يمدحونها لتعاليم دينا الحنيف وهذا اللي ادوره لانه عقب بيدخل خاص ولاحقين على الانجليزي
فنصحتني صديقتي بطريقه اعرف فيها البنت شو استفادت او شو تدرس وشو يصير في الفصل ؟؟؟!!!!!
اخليها تمثل لنا انها المدرسة ونحن الطلاب في الفصل … ونفع معايا صارت تعاملنا على انه نحن التلاميذ وهيه المدرسة وادرسنا وعرفت كيف طريقة المعلمة معاهم وشو يدرسون وكيف يتحركون في الصف حتى كيف تذنبهم اذا شاغبوا ……
شوووو رايج تجربين
انا عقب ما سويت بحث عن اغلب الحضانات ,, رسيت عليها ..
خاصه اني عرفت انه مديرتها لها خبره سابقه ومعروفه ف هالمجال والكل يمدحها ,, الاستاذة جميلة الحمادي ..
بس لين الحين بنتي ما تقولي شو تعلمت >_< وحتى الانجليزي ,, تقولي ماشي انجليزي ..
بس اليهال ما تقدرين تاخذين برمستهم .. علشان جيه قلت بسأل ..
وصدقج بالنسبة لتعاليم الدين ,, الصبح عندهم مشروع هدي الحبيب واللي هوه الريوق يكون تمر وحليب او لبن مثل ما فهمت ..
واول يوم وديت بنتي فيه ,, يوم دخلنا الصف كانوا يعلمونهم عن حياة الرسول صلى الله عليه وسلم ..
خذيلج لفه ,, وتعالي بشرينا ^.^
هلا اختي ام شموس الحلوه ..
يمكن صدقج بعد ,, يمكن هيه فاهمه جيه ..
بس انا افهمها واوضحلها ,, اقولها كتبتوا ,, رسمتوا ,, لونتوا ,, علموكم abc اوضحلها السؤال علشان تفهمني ..
بس اللي مركزه عليه انه يطلعونهم برع وتلعب بالزحلاقيه والمريحانه >_< وشافت الحيوانات .. بس هذا هوه
نفس الكلام كل يوم …
بجرب طريقتج ,, وان شاء الله تفيد وياها ..