&&&((حصرياااا بريااني السمـــج لعيون اختي حبيته بجنون )) &&& طبق اماراتي

السلااااااااام عليكم ورحمة الله وبركااتة

شحالكم ان شاء الله بخير .. شحالج غلايه حبييته بجنوون عسااج مرتاحه

؟؟

لعيوونج يالغلاا بنزل لج طريقي لبريااني الكنعد وان شاء الله تعيبج

واكييد لعيونكم وان شاء الله الكل يستفييد ماراح اطول عليكم

بسم الله

المقاادير :

2 كيلو كنعد او ع حسب طبختج الي بتكفي

3 بصلات مقطعه حلقاات

4 طمااط مقطع ومعصر ف الخلااط

معجون طمااط

ثوم ويا زنجبيل

بهاارات عدله _ بهارات مطحونه _ كمون _ بهارات السمج شوي بس _ لومي اسود

ملح _ زيت _ قرتفل _ لون الزعفران _ كزبره للتزين اذا تحبيين

عيش تقريبا انا حطييت 3 كاس عيش

فلفل اخضر

الطريقة :

نضع الزييت والبصل والفلفل الاخضر ف ونضييف اللومي والبهارات العدله الجدر ونحمسهاا اليين يتشقر لون البصل نضييف الثوم

ونحمسه نغسل الكنعد ونضيفه وخليييه ع ناار هاادية اليين يصيير لج لونة ابيض لا تكسريينه

خليه وخفي ع ايدج وحمسي شوي شوي

تقريباا ربع سااعه عقب ظيفي ابهارات المطحونة وبهارات السمج وقلبي اليين تتشبع من البهارات

والحينه نظييف معجون الطمااط ونحمس عقب عصيير الطمااط ونخلييه ع ناار هاادئة اذا حسيتي

اناا البهارات شوية ظيفي نص ملعقة وقلبي اليين تصير لج صالونة

عقب نغسل العيش ونحطه له المااي والملح والكمون ينسلق تقريباا مدة نص سااعه ونشخله

ونحط طبقه عيش وطبقه صالونة وعقب العيش حطي ع الويهه لون الزعفران وكزبره

وخلييه يتسبك لمدة عشر دقاايق وبس

وهني وعافيه ع قلووبكم

واهنييه الشكل النهاائي

7

7

7

7

7

7

وصلناا

طبعاا انا قلييت قطعه اهنييه

[IMG][/IMG]

وهنييه شووفي كييف الريحه خباااااااال يمي يمي

[IMG][/IMG]

وهنييه سوويتة من قبل

[IMG][/IMG]

واكييد ماننسى المعبوووج ويااه اااه اشتهييتة

[IMG][/IMG]

وبالهناا والعافيه علييكم غاليااتي ان شاء الله تجربونهاا وتنال اعجاابكم