شحالكن ياطالبات يامجتهدات …شخباركن …!!
بنات شو هالقانون الي طارحتنه كلية الاتصال الجماهيري اونه ولا وحده تاخذ مساق مع التدريب ..!! والمشكله طارحينه من كورس ومعممين على كل الدفعات …!!الحين بالله عليكم الي مخطط للمساقات ومخلص ومفكر ياخذ كورس مع التدريب …يتاخر سنه عشان قرارهم الي شرا ويوهم <<مقهووره وبصيح بعد
يعني انا اتاخر سنه كامله عشان مساق ..الله اكبر عليهم يعني كم سنه يونا نتم عندهم يعني يبون دفعة 2024 تخلل عندهم ………..!!وكله كوم يوم يقولولج سجلي صيفي في الشارجه والله عبالهم كل البنات بطاليات ولا وراهم ولد ولا تلد شافن عمارهن يايات من برا قالن كل البنات مسموحلهن السفر …والله انهم يغصصون حسبي الله ونعم الوكيل عليهم 1000 مره ومب على الكل على الحريم يوم يحطونهن في مناصب وهن يكونن من انحس ماخلق ربي استغفر الله العظيم …………………؟؟
انا في العين ومتفقه يادريوليه توديني وتيبني …وشن الشارجه …!!<<صاحين هاييله
انا اعرف ان السالفه يبالها واسطه لان واسطتي رب العالمين كفيل بهم ان شاء الله
عنبو ان ولدي كمل 3 شهور واستلمته خدامته ورحت اداوم عنه الحين بيكمل سنه وانا ماحسيتبه فديت عرمه هاملتنه والله يغمضني يوم اشوفه متعلق وفيني وانا مشغوله عنه اخاف اييني يوم اتندم اني خليته<<صاحت
هذا يابنات غيض من فيض …
شو اسوي شورو عليه احس خلاص بروح اسحب اوراقي والي فيها فيها
انتي من العين وجذه تعانين ،،
فما بالج بوحدة مب من العين ؟؟
وانا نفس معاناتج فديتج ،
بيتأخر تخرجي سنة كاملة ،
بسبب قرار ان ما يصير ناخذ مساقات مع التدريب ،،
ما نقول غير حسبي الله ونعم الوكيل …
وكلي امرج لرب العالمين يالغالية ،،
وعسى أن تكرهوا شيئا وهو خير لكم …
الله كريم