صارلي شهر ونص من يبت خدامه اندونيسيه وانا صراحه اشوفها زينه بس طلعت تضرب بنت اختيه اذا رحت عندهم او يت عندنا المشكله انها جذبت يوم سألتها انتي ضربتي فلانه قالتلي لا مدام هيه اللي ضربتني وقلت يمكن بنت اختيه تجذب وسكت عن الموضوع وعقبها بكم يوم قالت لخدامه اختيه انا من القهر اللي فيني مارقدت ليش تضربني انا بعد ضربتها ويوم المدام سألتني قالتلها لا ردت عليها خدامه اختيه وقالت انزين هاي ياهل وما تعرف واكيد هيه كانت تلعب معاج قالت لها انا ما احب حد يلعب معايه جي ..
المشكله اني انا يايبتنها حق ولديه واخاف تضربه لاني مرات اخلي ولديه عندها واروح ارقد وحتى خدامه اختيه تقول مره سمعت ولديه يصيح وشوي الا خدامتي تزاعق عليه ولديه عمره سنه الله يحفظه
الحين انا ابا اكلمها واقولها ليش جذبتي عليه بس اهليه يقولون سكتي يمكن تسوي شي بولدج ويوم كلمت ريلي قلتله ابا ارد الخدامه قالي ليش قلتلها الموضوع قال الله يهديج لازم انرد نخسر من اول ويديد قلتله ما ابا خدامه قال والله ما بترومين انتي بروحج حامل وبتعابلين الولد ولا الاكل ولا التنظيف ولا الغسيل والكوي وقال خليني ارد من السفر وانا بكلمها
الحين انتوا شو رايكم اخلي ريلي يكلمها ولا اردها المكتب ؟!!
مادري اذا كلامي صح……
بس قوليلها
شو يناسبج وشو لازم ما اتسوي.. ابطريقه عقلانيه.. مب ابتعصيب…
وحاولي اتفهمينها انه هذا ياهل..
وانا يايبتنج عشان اتساعديني واساعدج…
واذا انتي ما اترومين اتشلين ولدج او تهتمين فيه نظرا لصحتج.. فخلي عينج دوووم عليها يوم اتغسله او اتسبحه…
ولا تغفلين عن ولدج مهما كان في اي ظروف…..
والله يسهل عليج …
بس احسها ما دام تحط عقلها ويا عقل ياهله وتضربها اقول وديها المكتب وحاولي تبدليهاا احسن ما تقعد وتحاتي كل وقت
واذا ما شي تبديل سفريهاا
وشوفي لج خدامة جريبة من بيتج تي يوما ولا ل يومين ع الاقل تنظف وتغسل الحمامات وتكوي
والله يسهل امورج
اختي حاولي اتكونين مع ولدج انتي مب هي صدقنيني عقب ما يفيد الندم
الشغالة بس للبيت و التنظييييف مب لعيالناااا
انا اعرف انج تعبانة بس حاولي ما تقرب من ولدج انتي اماااا و انتي ملزوماا علية مب هي
فديتة بس عندج كتكووت وااحد و شوو تقولين الي عندهم اكثر عن ياهل (فكري؟)
اسمحيلي و ربي يخليلج ولدج و يقومج بالسلامة