حساسيه الصدر والالتهاب لعمر سنيتن وفوق /مساعده ! في الامارات

مرحبااا يا حلواات
عندي مشكله صغيره
بنتي من فتره تكح ومرات تروح ومرات ترد كملت اكثر من شهرين على هالحال
وديتها عياده ف دبي دكتور اطفال قال تحتاج جهاز فالبيت وعندها حساسيه ف صدرها
ابوها ماطاع قال لا يمكن ماتحتاي وقرر يوديها طبيب ثاني
ومر كم يوم وماوديناها وامس جي حسيتها مصخنه ومتضايقه والصبح يوم نشت اتصيح وماطيع تاكل وتشرب هيه عمرها سنتين
ومزججمه وحسيتها جي مختنقه
وديتها عياده قريب بيتي وعلى طول اكسجين بس هي الله يحفظها تصيح وايد ف مارامو يكملون لان الدكتور قال لازم ماتصيح ولا الاكسجين بيعطي نتايج عكسيه
اخر شي كتب لها مضاد والله اني اكره المضادات بس شواسوي عطيتها صراحه 3 مرات فاليوم لمده 5 ايام
انا محتاره اروح اخذ لها الجهاز فالبيت استخدمه ولا اكمل المضاد
الدكتور قالي انه عادي بس لو تصيح وماتسكت ماينفع الجهاز
ف ماعرف كيف اتصرف ابدن مب مطمنه للمضاد ماحبه احسه قووي
منو عندها خبره فالموضوع وتقدر تفيدني

والمضاد ><
هيه انا اسوي دخون كل يوم
>< ><
اف متضايقه عشانها

خلي الدكتور يكتبلها البخاخ للربولازم مع الأنبوب لأنه بدونه ما ينفع ،،،،لأنه ينفع حالات الحساسيه أنا ولدي عمره سنتين نفس الحاله ما يحب الاكسجين
من كثر ما رحت مستشفيات ،،،سار عندي خبره ،،،أبخ رشتين البخاخ في الفم وأعطي دواء أحسن نوع للحساسيه
أسمه زرتك ،،،لونه ابيض ومرسوم عليه دائره زرقى ،،،،3 مل ونص مره واحده في اليوم قبل النوم لأنه ينعس لمده خمس أيام والطفل يكون بخير ،،،،،

والله بنات ماعرف انا شكلي بوديها مرة ثانية حق الدكتور

الله يشفيها يارب..
دام انة وصف لج اكسجين لازم تشترين الجهاز مافيها شي اخذى لها واحد وربي يشفيها يارب ماتشوف شر,

حبوبه انا عندي وصفه فظيغه لعلاج حساسيه الصدر انا وجربتها على عيالي واحد سنه و الثاني 3 سنوات الله يحفظهم
اخذي ربع كيلو عسل سدر اصلي، و بصله مقطعه شرائح و حطيهم مع بعض في برطمان و بعد 8 ساعات اشخليه من البصل و بتلاحظين انا ماء بصل نزل مع العسل و البصل ذبل وعطيت بنتج ملعقه كبيرة 3 مرات في اليوم …..و ان شاء ما تشوف شر …واي استفسار انا حاضر على الخاص

مشكورة الغلا بجرب انشالله