موضوعي عن حرية الزوجة وتدخل أخوات أو أم الزوج،
أنا إعتدت على الأكل في صحون فردية عكس زوجي إلي إعتاد على الأكل الجماعي، المهم إختلفنا أمس بخصوص هذا الموضوع لما عزمنا أهله على العشا. هو يريد على طريقته عشان أهله وأنا لأني في بيتي فأريد على طريقتي ولأني أفضل طريقتي لأسباب كثيرة، رغم إحترامي لطريقة أكلهم وإعتدت عليها بس بعدني أفضل على طريقتي في بيتي. وبعدين لما يعزمون أهلي ما يغيرون طريقتهم في الأكل عشان خاطر أهلي لا يمشون على طريقتهم فليش أغير عشانهم وبعدين ما أشوف فيها شئ إنه الواحد يأكل في صحون متفرقة فما أريد أعودهم أو أعطيهم فرصة يتدخلون في أموري المنزلية وفي طريقة حياتي وأسلوبي مثل ما أنا ما أتدخل في شؤونهم وأحترم رغباتهم سواء في طريقة إعدادهم للطعام أو في طرقة تقديمهم للأكل ما أخالفهم أتبع نظامهم إحتراما لهم ولزوجي وحتى ما يصير حساسية بينا. فأنا في بيتي أحب كذلك إني أتبع طريقتي ونظامي الخاص بي وأسلوبي سواء في الطبخ أو في تقديم الأكل أو غيره. بالأمس لما حضروا على العشا أخته تنتقد حسب ما تقول إني مسرفة في إستخدام مكونات الأشياء. ترا هذه طريقتي وأنا عارفة الكمية, وهكذا
فإيش رأيكم؟
وهاذي اهم نعمه
والحرمة تتبع ريلها واسلوبه
فالمفروض تقديرا لهم تمشين على طريقتهم
السالفه مو عناد
السالفه قوامه واحترام للريل واهله
اما عن اخته فمو لازم تعرف الطريقه اصلا ولا تخبرينها
ودخلي من هني وظهري من الاذن الثانيه
انتوا الحين اسرة مستقلة
وكل اسرة لها نظام معيشي معين يتبعونه
وما يغيرونه
طبعا افضل أن كل حد ياكل في صحن فردي
عشان الكمية الباقية تقدرين تحفظينها إذا حبيتي
وطبعا الحين يعني الواحد خلاص يلغي سالفة الأكل الجماعي في صحن واحد
عشان الكل يرتاح
احترم رايج
انتي ربة منزل
عندج نظام مب حابة حد يغيره
وهذا شي حلو
وأسلوب راقي أيضا
بس إذا اهل ريلج مب متقبلين سالفة الاطباق الفردية
راعيهم
لأنهم اقاربج من الدرجة الاولى
نحن يوم ايوونا عرب ع حسب العدد نحط الصياني بس الاكل كل مجموعه في صحن مع العلم نحن في بيت ابوي واهل ريلي كل حد يغرف له ع قياسه والباجي انطرشه حق محتاي ويكون نضيف ما مسكوك بس بخصوص الضيوف نتماشى ع رغباتهم ان كانوا من الدار نحط لهم في صياني وياكلون رباعه اما ان مانوا غرب لا نرتب لهم في صياني ونحط لهم صحون ويغرفون لعمارهم والا نحن نغرف لهم ..
فالانسان يمشي ع حسب رغبات الضيف مب ع حسب رغبتج انتي وان كانوا اهل ريلج يوم يعزمون اهلج يسوون ع طريقتهم فهذا لانه هي هاي العاده الي دارجه عند العرب مب عناد فيج او عدم احترام رغبتهم..
بالنسبه لاخت ريلج بخصوص انتقادها ع تنوع الاكل فهذا شي يخصج ومالها فيه سمعي من الاذن اليمين وظهري بالاذن الشمال..
اهم شي انه النعمه فالنهايه ما تنعق فالزباله وانتوا بكرامه..
اتبعي كلام ريلج حتى لو ما يعجبج دام هذا ما فيه من نقص لكرامتج
وانج تمشين العزومة على رايه ما يعني انهم تدخلوا بخصوصياتج او تحكموا فيه
خلي قلبج وسيع ولا تسوين لعمرج صدعة راس او تتعبين نفسيتج على شي ما يستاهل