حبوب الظهر والكتوف وآثارها .. ودعيها للأبد للقضاء على السمنة

حيا الله الصبايا المزايين ماشاء الله محلوين بغيابي شو السر

بدخل بالموضوع مباشرة

مين منا ماعانت من حبوب الظهر والاكتاف لو مره بحياتها نتيجة ازالة الشعر من هالمناطق؟

ومين منا مازارت الطبيب لجل آثار الحبوب في هالمناطق ودفعت مبالغ والنتيجة تظهر بعد شهوووور من الاستنزاف المادي والنفسي ..

اول شئ انا مو طبيبه ولا خبيرة بشره بس بالتجارب والاطلاع قدرت أكسب خبره متواضعه خدمتني كثيييير وحابه أنفعكم باللي أقدر عليه ..

خلونا نعرف انواع الحبوب اللي تظهر لنا في هالمناطق:

1- حبوب التهاب (حب شباب):
تظهر هالحبوب أكثر شئ بالوجه والظهر(هنا مارح نتكلم عن الوجه موضوعي يخص منطقة الظهر والكتفين) .. عادة هالنوع من الحبوب تكون كبيرة نوعا ما ولها رأس أبيض مؤلم ولما تختفي الحبه يظل أثرها موجود لفتره طويله

2- حبوب التهاب هرمونيه:
تظهر أيضا في الوجه والجسم بشكل عام وسببها يكون اضطراب هرموني في الجسم (مثل هرمون الحليب) وممكن تظهر قبل الدورة الشهريه خصوصا لما تتأخر عن موعدها ولونها يكون أحمر وعيبها ماتروح بسرعه وآثرها يبقى لشهوووور

3- حبوب التهاب جرثوميه << كيفي بسميها جرثوميه
هالحبوب تكثر في الكتفين بسبب نمو الشعر تحت الجلد او ازالة الشعر بطريقة غلط او بسبب ملامسه الجلد لسطح غير نظيف ..
جد يابنات احيانا نجلس على كنب غير نظيف ونسند كتفنا عليه وباليوم الثاني نتفاجأ بحبوب في نفس المكان وشكلها حبوب صغيره حمراء احيانا تسبب حكه وهذا النوع سهل يروح وسهل نحمي جلدنا منه

4- حبوب حساسيه
هالنوع بالذات لاتلعبي فيه لان اسبابه مرضيه (مثل الاكزيما او النخاله الورديه…الخ) ويبيله مراجعه طبيه ..
وهذه الحبوب مؤذيه وتسبب حكه فضيعه لاتطاق ..

العلاج المجرب

المرحله الاولى (التنظيف والتعقيم):

بعد الاستحمام بصابونك العادي استعملي شاور جل شجرة الشاي من ذا بودي شوب

Tea Tree Body Wash
ميزته مطهر ومعقم للجلد ويقتل البكتيريا المسببه لحب الشباب ويساعد في الحماية من ظهور الحبوب الجديده
موجود في ذا بودي شوب وسعره مابين 40 – 60 ريال/درهم

+

وتستعملين معاه لوفه (ليفه) خاصه للظهر

موجوده في المحلات العاديه ولايف ستايل وكأني شفتها في ذا بودي شوب وسعرها رخيص مايتجاوز 15 ريال/درهم

المرحله الثانيه (التونر المعالج):

كبسولات دالاسين سي 300 ملجم
Dalacin C 300 mg
موجوده بالصيدليات وسعرها مابين 43 – 65 ريال/درهم

+

ايسكينول الشفاف (الكلاسيك)
Eskinol Classic
موجود بالصيدليات والبقالات وبكل مكان وسعره مابين 7 – 15 ريال/درهم

الطريقة:
تاخذين كبسوله او كبسولتين من الدالاسين سي وتفرغي البودر اللي داخلها في قارورة الاسكينول وحتى تغليف الكبسوله تضيفينه للاسكينول ..
بعدين ترجين الاسكينول رجاً مبرحاً لما ينطق الشهادة
اقصد لما يذوب البودر وتغليف الكبسوله الموف ويتحول لون الاسكنول للون الوردي ..
والحفظ ممكن تحفظيه بالثلاجه وممكن خارج الثلاجه خذو راحتكم البيت بيتكم << متعشيه روبيان لاحد يلومني

طريقة الاستخدام:
1- بعد ماتتحممين بغسول شجرة الشاي من ذا بودي شوب وتجففين مكان الحبوب تحطين من الاسكينول على قطنه وتمسحين مكان الحبوب واثارها وتنتظرين لما يجف بعدين البسي ملابسك
2- قبل النوم حطي منه على الحبوب واثارها (مو لازم تتحممين او تغسلين مكان الحبوب)
واستمري على استخدامها مرتين باليوم لغاية ماتختفي الحبوب واثارها

هالمرحله تطبق في حالة كنتي تشيلين شعر ظهرك وكتوفك بانتظام او اضطريتي تشيلينهم فلازم تقشرين جلدك قبل الشيل بيوم حتى لو ماكان عندك شعر ينبت تحت جلدك ..
وبعد ازالة الشعر من ظهرك وكتوفك امسحيها بمناديل ديتول

موجوده بكل مكان وباحجام واسعار مختلفه

وبعد مايجف الديتول حطي قناع النشا وموية الورد << ادري غثيتكم فيه بس شسوي احبه

وهذا اقتباس لطريقة الماسك

المشاركة الأصلية كتبت بواسطة سعوديه محتاسه

خذي نص كاسة ماء بااارد
ذوبي فيها ملعقة كبيرة نشا + ملعقة كبيرة ماء ورد
وبعد ماتذوبينها ضعي الماء في قدر على النار
وأخلطيها بسرعة لحد مايبدأ الماء يتحول قوامه الى جل شفاف متماسك (مثل المهلبيه)
بعد كذا ارفعيه من النار وخليه يبرد شويه بعدين حطيه في علبة زجاج
واحفظيه بالثلاجة
وعند الاستخدام خذي المقدار اللي يكفيك بالملعقة وبس
مافي شئ صعب بطريقة الماسك
والاستخدام ضعيه على بشرة نظيفة واتركيه لما يبدأ يجف على وجهك
وبعدين اغسليه بالماء فقط
مافي أسهل من كذا

وبعد ماتغسلين الماسك حطي كريم فيوسيدين

هو مضاد حيوي يمنع تكون الحبوب موجود بكل الصيدليات سعره حدود 20 ريال/درهم
طريقته تحطين منه على المناطق اللي شلتي منها الشعر 3 مرات في اليوم لمدة 3 أيام بعد كذا مرتين يوميا لمدة يومين وبعد كذا مره في اليوم (قبل النوم) لمدة يومين وبعدها وقفي استعماله

العناية الداخلية:

لايخفى على الكل ان العنايه تبدأ من الداخل فلو كان غذائك صحي ومتكامل بتكون بشرتك صحيه ومافيها مشاكل والعكس صحيح..
وعشان تقدرين تسيطرين على حب الشباب والدهون في جسمك لازم تتجنبي الاكل الدسم خصوصا الشيبسات والكاكاو الغني بالدهن والمقالي …. الخ
وفيه فيتامين يباع في الصيدليات يساعد في التحكم بالدهون في البشرة والسيطرة على حب الشباب سواء في الوجه او الجسم..
وبالاصح هو يعتبر من الاملاح المعدنيه اللي يحتاجها الجسم وهو الزنك

موجود بصيدليات GNC واعذروني ناسيه السعر

هذا العلاج جربته بنفسي وشفت نتايجه بنفسي أتمنى تلاقون نفس النتيجة الحلوه اللي لقيتها

ملاحظة/
تقدرين تستعملين هذا البرنامج للوجه لو كان عندك حبوب بشرط ماتكون بشرتك حساسه

هالموضوع اهداء للقمرين الحلوين
ّّّّّ~شوق~ وَ قلبي بزي

شكلي بجرب قناع النشا وماء الورد