انا نزلت موضوع من فتره و قلت لكم اني مالجه من 3 شهوور و ان ريلي الي كان دومه يقول كلمات حلوه و رومانسيه تغير و صار كل همه يخليني اعصب و خلاف يقول احبج يوم تعصبين بس
ريلي طبعه غريب ساعات تشوفينه طيب و حبوب و ساعات يعصب على اسباب ما تسوى و حاولت وياه باسلوب النقاش و الحوار بس ردوده ما تكون كافيه
يعني يا فلان شو ياك تغيرت يقول طبعي جي !
اوكي طبعك جي ويا ربعك بس انا حرمتك !!
قلت يالله ما عليه ما بستوي دلوعه الا سوالف هيه
ازعل و ارضى بروحي .. اقوله يا فلان عنبو ما فكرت تراضيني
يقول انتي زعلتي من شي ما يسوى و سبب تافه
قلت يالله في النهايه ابقى انا بنت و تفكيرنا يختلف يمكن بالنسبه لي شي يسوى اني ازعل عليه بس عنده هو شي سخيف
اذا استوى بينا خلاف دومه يعق اللوم عليه و انا ارضى و اقول يالله ما عليه براضيه عسب ما يطول الزعل بينا
من ملجت و هليه تغيرو عليه 180 % حتى المصرف وقفوه عني يقولون انتي على ذمة ريال و كل ما يستوي شي يقولون سيري خبري ريلج .. و علاقته فيهم وااايد اوكي لين الحين الحمدالله
تستوي لي مشاكل بس ما اسير و اخبره اقول الريال روحه تعبان من الدوام ما يحتاي ازيده و يوم يتصل اتم اسولف و ما ابين له ان فيني شي
المهم وصلنا لدرب مسدوود الحين !!
يوم السبت كان عندي و كان واايد اوكي معايه و سوالف و ضحك و لحظات حلوه حسسني فيها انه يحبني و كنت مستانسه على اسلوبه الحلو و خلاف تعشى و سار و كل شي اوكي بس الصدمه العوده
انه من طلع من بيتنا ما يرد عليه ! اتصل به ما يرد !! اطرش مسجات ما يرد !! غريبه شو السالفه ؟؟
هو متعود من يطلع من بيتنا يكلمني و يتم يسولف معايه
بس هالمره غير
المهم قلت يمكن انشغل ويا حد من ربعه
البارحه نفس الشي لا اتصال و لا مسج و لا حس و لا خبر
و انا اطرش له خير ان شاء الله عسى ما شر .. و طرشت حبيبي طمني عليك بس ماشي رد
الظهر اخويه اتصل فيني و سلم عليه و قالي خلي ريلج يكلمني قلت اوكي
اتصل في ريلي و بعده ما يرد
المغرب سرت عند اخويه قلت له كلمك ريلي
قالي هيه
قلت له متى
قال اوهوووووو و بعدين وياكم !
قلت له شو فيك قال ليش ما تكلمينه
قلت له لا عادي ما في شي و منو قال اني ما اكلمه بس ما خبرني اذا كلمك و لا
المهم فالليل طرشت مسج لريلي انت كلمت اخويه و ما كلمتني خير شو السالفه !
طرش لي (خليني بحالي انتي ما تفهمين اوف)
ليش انا شو مسويه !!
طرشت له ليش هالاسلوب احترمني انا من البارحه احاتيك و اسأل عنك اخر شي جي ترد عليه .. انا هب حيوانه عندك و انت هب ماخذني من الشارع عسب ترد عليه جي و انا هب مسويه شي ..
و ما رد عليه
بنات محتاره و ما اعرف هالانسان شو فيه
الحين انا اوف !!!! و ما افهم !!
انا خلاص تعبت و صحتي ما تتحمل !
افكر اكلم اهليه و كل واحد منا يسير في درب
شو الراي ؟؟
لا تقولون كان مجبووور لانه ماخذني بهواه و رضاه
روحه يا عندي و قال انا اباج و خلاف طرش اهله صوبناا !!
اسمحيلي انا رديت عليج في الموضوع اللي قبل شوي … بس ألحين شكيت فيه الصراحه 
ردي عليي و بنكون على تواصل انشا الله
سوااالف عاديه و ما اعرفها بصرااحه
العرس بعد 5 شهوور
أفضل شي الصراحه بين الطرفين..بس التطنيش من صوبه مب الحل..
متفهمه موقفج وأصعب شي الوحده اطرش وتتصل ..
تفكرين في حياتج ومصيرج والطرف الثاني مب مهتم..
الله المستعان..والله ايسر أموركم..
احس الريال مب طبيعي يمكن فيه شي صدقيني ،، لأنج مثل ما تقولين كان اوكي وتعشى عندج وظهر ..
اظغطي على عمرج ولا تتصلين ولا اطرشين له مسجات ..
يمكن روحه ايرد يتصل بج ويفهمج كل شي ..