السلام عليكم
خواتي حبيت اسألكم انا حامل بالاسبوع السابع
وعندي موعد الاربعاء عند الدكتوره عشان اشوف النبض
اليوم وانتوا بكرامه لما سرت الحمام لقيت خيوط بنيه تنزل مني هل هالشي طبيعي؟
انا خايفه وايد ومن حملت ما اجيس شي ولا اجهد عمري
طمنوني الله يطمنكم
خواتي حبيت اسألكم انا حامل بالاسبوع السابع
وعندي موعد الاربعاء عند الدكتوره عشان اشوف النبض
اليوم وانتوا بكرامه لما سرت الحمام لقيت خيوط بنيه تنزل مني هل هالشي طبيعي؟
انا خايفه وايد ومن حملت ما اجيس شي ولا اجهد عمري
طمنوني الله يطمنكم
شو تقصدين خيوووووووووووووووووط؟؟؟
يسم الله"
سيري العياده وافحصي احسن لج ؟؟؟
اول مرة اسمع عن ها الله يعافيج
لا تحاتين الغالية
ان شاء الله خير
يستوي ساعات هالشي في بداية الحمل لان يكون من مخلفات الرحم
بس انتي ريحي نفسج ولا تتحركين وايد
والله يثبت حملج ولا تنسين اطمنينا عليج
اقصد خيوط صغيره شرات الانسجه لونها بني مايل للاحمر
مشكوره نور القلب طمنتيني
مشكوره نور القلب طمنتيني
فديتج لا تهملين السالفه وتستهونين بها مابى اقلقج بس الافضل تسيرين للدكتوره يمكن تحتايين مثبتات ولا تتريين لين موعدج عسى ربى يثبت حملج ويتملج على خير الغاليه
انا اخذ دافستون مثبت حبه باليوم وما اقدر اسير قبل يوم الاربعا لان زوجي مب موجود
حاولي تريحين و ما تشلين أشيا ثجيله……. وسلامتج ماتشوفين شر …..