أنا كل مرة أحمل يبين نبض البيبي عندي بالأسبوع الخامس أو السادس
فقبل 10 أيام كنت بالأسبوع السادس سرت اشوف البيبي سوت لي الدكتورة سونار و قالت لي ما شي نبض
اليوم بعد سرت و أنا بالأسبوع السابع قالت لي بعده ما شي نبض
و عسب اتأكد زيادة طلبت منها اتسوي لي الفحص من تحت
وعطتني حبوب الدفاستون للتثبيت
حد منكم استوا لها جي
بليييييييييييييييييز ردو علي نفسيتي وايد تعبانة ما أعرف اذا هذا شي طبيعي ولا لأ
والله يطمنج وتسمعين نبضه بأقرب وقت
انا صار لي جذي تقريبا نفسج بس انا كان عندي نزيف وعطتني ابره تثبيت وطاح اليوم الثاني
بس ان شاءالله خير لج اسمتري بالدفاستون وايد زين ويثبت …
ونتريا البشاره الحلوه ان شاءالله
أم لولوه
يزاكم الله خير عالرد
أختي أم لولوة أنا لين الحين ما فيني لا نزيف ولا حتى افرازات بنية
بس فيني شوية ألم بالظهر
الله يكتب لي و لكم اللي فيه الخير
وربي يكتب لج اللي فيه الخير هذا شي طبيعي لا تحاتين
عليج بالاستغفار الدايم واقري سوره ال عمران ومريم يوميا بيفيدنج هالسورتين واااايد والله من خلال تجربه لي
ومايكون في شي البيبي الله يثبته يارب