شحالكن خواتي..؟؟عساكن بخير..
انا >>اعوذ بالله من كلمة انا..معرسه من 7شهور تقريبا وماحملت..
والناس بدوو يتكلموون ويسئلوون..حملت..؟؟ليش ماحملت..؟؟ووو…………الخ..
وريلي يبغي عيال وانا ودي بس مب بايدي بايد رب العالمين..
وكانت الدورة عندي قبل الزواج مش منتظمه وسرت عند دكتورة زينب ياللي فدار الشفاء فبوظبي..وكنت اراجع عندها عسب الدوره..
وكنت احسب بهالطريقه من اول يوم عرسي..
شهر 6نزلت تاريخ25..وشهر7مانزلت عندي..وشهر8نزلت تاريخ12..وشهر 9مانزلت عندي..وشهر 10تاريخ1نزلت عندي وفنفس الشهر تاريخ28نزلت عندي..وشهر11نزلت عندي تاريخ23..وشهر12نزلت عندي تاريخ31..
ومليت من هالحاله يعني مخربطه مخربطه.. ):
وانا اعتقد هالشي مأثر ومخلني ما احمل..
واحيانا اقول يمكن عسب سني لأني معرسه وانا صغيره يعني الحينه عمري 18سنه..
هالاشياء تأثر…؟؟واذا لا عيل ليــش ماحملت..؟؟
وبعدين قالولي عن جهاز اسمهclearblueهذا اختبار اباضه..شرات تحليل الحمل الله يكرمكم يستخدمون فيه عينة بول..وفيه5 اجهزه فالكرتون واستخدمته من اول يوم الدورة لين تاريخ11..واستمريت استخدم الجهاز لين تاريخ 15وماشي فايدة مايظهرلي اي خط..ومكتوب عندي فالجهاز لازم يكون خط الارتفاع واضح يعني البويضه مكتمله..
وماقمت اسير اراجع عند الدكتورة مره ثانيه مليت..كلما اسير عندها سوتلي سونار وعقب تقولي سوي تحليل حمل كل شهر على هالحاله ماتسويلي شي..وتعطيني حبوب فوليك اسيد..وهذي ياكلونهاا الحمل..تقولي عسب تقويج..!!!انزين انا مب حامل كيف آكل هالحبوب..؟؟!!
وخذته من هني وفريته فالزباله من هني لأني ما آكل منه..
خبروني شو اسوي الله يخليكم..؟؟اللي عنده فكره يوضحلي..!
والسموحه ع الاطاله..
انا عرست وعمري 18
وبنت عمتي عرست وعمرها 17
وحملنا ع طووول
بس كل شئ بإيد رب العالمين
وحبوب الفوليك اسيد مفيدة حتى ولو مب حامل..والدكاتره ينصحون الحريم انهم ياخذون هالحبوب قبل الحمل بثلاث شهور
واستغفري وايد
واقري البقره
والله يرزقج الذريه الصالحه عاجلا غير اجل
آمين
بس انتي جوفي الدوره ابدا مش منتظمه …اول شي لازم تنتظم …يعني عالجي هل شي قبل والله بيكتلج الخيره ….
اذا تبين تحملين بسرعة باءذن الله وتتعالجين من المشاكل الي عندج الي تعرفينها او الي ما تعرفينها بطريقة طبيعية ……….وبدون ادوية وعن تجربة شخصية وتجارب لكثيرات .بطرشلج رقم ام سيف للعلاج بكاسات الهواء على الخاص وادعيلي .
وكنت آخذ وياه المثبت لانه ينظم الدوره