انا صاحبة هالقصه https://forum.uaewomen.net/showthread.php?t=1157958
وبشكر كل البنات اللي نصحوني وكمان بشكر البنات وخصوصا البنت اللي قعدت تسب وتقولي تستاهلين
احب بس اقولج انه اللي سويته انا صح غلظ بس انا حطيت الموضوع علشان تساعدوني وتنصحوني مب تقعدي تسبي تراا هذاا قدري ونصيبي
وكمان انا ما سويت شي حرام لانه الله محلل التعدد وكمان بتقولي انا وافده لا انتى غلظانه انا بعد خليجية صح مب اماراتيه بس خليجيه زيج
وانا يوم تقدم لي ريلي قال انه زوجته فيها وايد عيوب وانا ع نياتي صدقته وندمت على هالزواج وكمان شغله انا اهلي كانو ضدد هالزواج بس انا اللي غصبتهم يوافقون وحتى الحين بس اخبرهم بيقولي ابوي هدا قرارج انتي استحملي وكمان ما يبيني اطلق لانه سمعته جدام الاهل والاقارب وانا من قبيله مابيحبوا الوحدة تطلق
المهم ححكيلكم التطوات اللي صارت
امبارح ريلي فطر عندي وبعدها دش لغرفة النوم وندهلي ورحت المهم انا قعدت جنبه وقلت له ابغاك تاخدني للمول دبي قالي لا هداك بيعرفوني فيه ناس وجي قلت له انا بغظي ويهي زي حرمتك قالي لا مررره كبير ولازم يومين لين اتخلصه قلت له لا انا ابغا بس اشوف ومو ضروري نخلصه
وبعدها قلت له لا وديني وخلااني بتكلم ويا روحي ولف واعطاني ظهره قلت له ليه لفيت وانا بكلمك وما رد
وبعدها ظل تقريبا لين اذن العشاء وقام طلع وما وداني معاه للمسيد واحنا كنا متفقين
ورحت وراه وقلت له ماراح توديني وقفل الباب وطلع وبعدها رسلت له مسج (ليش ما وديتني شو سويت لك)
ورد عليا وقال (الظاهر المعامله الحسنه ماتنفع معاج)
ورديت قلت له علشان قلت لك وديني للمول
ومارد عليا من امبارح لين الحين ولا اجا للبيت ولا سال فيني ولا اطمن عليا
يعني بسبب الطلعه يسووي لي جي
شو اسووي يا ناااس تعبت
وربي من امبارح وانا ببكي ولا قدرت اكل ولا اشرب
ااه يا بنات ضحيت علشانه وتركت بلدي ودراستي منشانه فى الاخير شوفوا المعامله
الله يخليكم يا بنات انصحوني وش اعمل وشو اسووي
تراااني خاايفه
وكمان انا عندي رقم حرمته اتصل فيها واقولها انه متزوج من وراها
الله يخليكم شوروا عليا وش اسوووي
تراااا مليييييييت وبتمنى المووووت
لساتني فى العشرين وذقت هالمرار بس استاهل لاني انا اللي اخترته 
سااااعدوني وقولوللي وش اعمل
حبيبتي .. خل عنج كلام الناس
مو مهم اذا انتي خليجية او لا .. مثلن حلال ع الريال يتزوج خليجيه وحرام يتزوج شامية
في اي مكان هالقوانين موجود .. شو هالتخلف ؟!
وخلج صريحه مع الكل مافيها شي او انج تنحرجين من احد
وتقولين انج خليجية او غيره … افتخري بأصلج … اللي بيتكلمون بالغلط عليج … هم فيهم عقده ويبونج تتعقدين نفسهم
المهم اذا انتي تعرفين ان كبير واهلج رفضوه .. ليش اصريتي على هذي الزيجه
ماعرف شو اقولج اكثر من اللي قلته
الله يهديج بس يا اختي … انا صراحه ماعرف شو اللي خلاج تصدقين ريال عمره 46 وتاخذينه غصب عن اهلج
مهما صار انا مو معقوله ولا اتخيل اني اوافق ع واحد جي حتى لو مرته مريضه او اي شي وانا بهالعمر
انا الصراحه قبل سنتين يوم كنت بعمرج كنت رافضه واحد اكبر عني تقريبا 13 سنة
بس لانه يباني ومعجب فيني ويبيني ولا هو متزوج ولا غيره .. انا قبلت بس كنت اتحسس من الوضع اللي انا فيه
وكنت اصلي صلاه الاستخاره اكثر من 10 مرات والله …. ان اذا فيه هالريال خير قربه مني مع ان هالشخص كان من معارفنا بس صار القدر ان ماصارت هالزيجه لان اكيد لربي معرفه اكثر مني في مصلحتي
والحمدلله خطبني واحد احسن منه وفارق العمر صغير من بيننا …
وقبل هذا كله اتصلي في احد المشايخ للافتاء واسئليهم شو ممكن اتسوين دام هو موب معطيج حقوق كزوجه
هل تصبرين وتحتسبين الاجر ام تتطلقين …
هذا الموقع فيه رقم الافتاء في ابوظبي ..رقم مجاني
بس للاسف الدوامات من ايام الاسبوع فقط من 8 الصبح لين 8 المساء انتظري لين الاحد وشوفي شو يقولون لج
احين ماقولج غير استغفري ربج وصلي الاستخارة اكثر من مره لين ما الله يفرجها عليج لين يوم الاحد وتتصلين
ولو ارتحتي بأمر الطلاق بعد الاستخارة … خبري اهلج وقدمي على طلب الطلاق …. لان حرام انتي في بداية عمرج والله بيعوضج باللي احسن منه
ومانصحج مول انج تتصلين في مرته وتقولين لها شي … لان ممكن يرفع ايده عليج ويضرج ان اتخذت منه زوجته موقف وسوت مشكله …
موب انتي الوحيده اللي مارة في هالموقف عندي اكثر من وحده جربت هالشي وتطلقت لانها زوجها كان نفس زوجج ولا يعبرها
واشكري الله ان مارزقج الله بالعيال .. عشان لا انتي ولا عيالج يتلعوزون
والسموحه
اختج اسوم 3>
هذا الموقع بكبره عشان لو تبين تفاصيل
وهذا الرقم والاوقات العمل ذكرتها فوق
الاتصال بالرقم المجاني 2422 800.
والسموحه اذا كنت دفشة في الرد عليج
اختج اسوم 3>
الله يعينج ويصبرج على ماا انتي فييييييييه .. 
والله بياخذ حقققج منه اذا ماليوم باجر شاف محد عندج قال بسوي الي آبــاه ..
اتصلي لحرمته خبريها واذا ما عيبه خليه يولي طنشيه اهتمي بعمرج اخذي مصروفج منه
وتعلمي السواقه اطلعي وعيشي حياتج ..
والله يصبرج ويعينج على ما بتلااج اختييييه ..
وشكرا ختيه ام مصطفى
بصراحه ما اعرف شو اقول الله يهديه ويحنن قلبه عليج عليج بالاستغفار وقيام الليل وادعي وقت السجود ان الله يحنن قلبه عليج
وما عليج من بعض الردوود