بما ان مشاركاتنا جريب وبتوصل ل 500 حبيت افتح ملف يديد وبيكون الجزء الثاني لموضوعنا وان شاء الله حماسنا بيديم وارادتنا وعزيمتنا بعد وان شاء الله ماتخبصون هالمرة وبما ان مرام الحب اقترحت علينا ان كل متينة (رشيقة المستقبل) تكتب قصة متنها وكيف اكتسبته وانا مأيدة اقتراحها فيالله كل وحدة تكتب قصة حياتها اقصد قصة متنها ولاتنسون تكتبون يومياتكم. يالله انا ببدا اكتب قصتي..
الله يسلمكم انا يوم صغيرة ماكنت واااااااااااااااايد ضعيفة ولا متينة وبما ان الوالدة الله يحفظها متينة (للعلم هي يوم صغيرة كانت وااايد ضعيفة بس يوم تزوجت متنت) فيعني انا طالعة عليها فديتها، اوكي ومع الايام كنت اسمع تعليقات الاهل والربع انتي وايد متينة ويطنزون بس انا انا كنت احس اني مب متينة بس من الغصة كنت اكل ومتنت بس يوم كنت فأول ثانوي سويت رجيم يعني في الصيف كنت اسهر وماكنت اكل غير همبا واسوا تمارين وارقد لين العصر واتغدا 5 ملاعق عيش تقريبا وضعفت والكل لاحظ علي بس يوم بدت المدارس رديت مثل ماكنت ولين يومكم هذا وانا متينة واسمع تعليقات الناس واتغصص واصيح بس الحين بقهرهم وبضعف ان شاء الله لان فيني ارادة وعزيمة وحماس وبكون احلى عنهم ان شاء الله.. واحين بحط لكم كم من قصة
هاي قصة وحدة اختي خبرتني عنها:
يوم من الايام اختي سارت ويا المسؤول عشان المقابلة وشل اختي وياه عسبة تسوا مقابلة حق البنات بعد بس في امارة ثانية غير الامارة اللي يداومون فيها اوكي تقول يتهم وحدة متيييينة ماشاء الله عليها والحمدالله نجحت في المقابلة وعينوها عند اختي تقول يوم شفتها انصدمت ماشاء الله عليها ضعفت سألتها كيف ضعفتي قالت لها انا امي توفت الله يرحمها وانسدت نفسي للأكل ولو كلت اكل شوي وكنت كل يوم اركب الدري وانزل ماحطيت فبالي عشان اضعف بس جي وسبحان الله ضعفت..
بعد بقولكم قصة حرمة حمي خبرتني قالت لي عن مدرسة تعرفها بس تدرس في مدرسة ثانية كانت متينة ما شاء الله عليها قالت لي امتن عنج يعني انا وزني 97 وهي اكثر ما شاء الله عليها تقول ماشفتها كم من شهر ويوم شفتها انصدمت واااااااااااايد ضعفت تقول استوت نفسي (للعلم حرمة حمي تقريبا وزنها في 50 ) ويوم سألتها كيف ضعفتي قالت لها المدرسة كنت مخففة اكلي وايد وبس كنت اتريق واتغدى واتعشى وامشي وضعفت..
يارشيقات المستقبل انا حبيت اقولكم هالقصص عشان تتحمسون يعني لاتحطون فبالكم انكم لو خففتوا اكلكم وسويتوا رياضة مابتضعفون يمكن وزنكم ماينقص بس اشكالكم تبين انكم ضعفتوا يعني لاتنصدمون يوم بتشوفون الميزان ووزنكم مثل ماهو ترى مرات يوم تبدين تخففين اكلج وتسوين رياضة اولشهر السوائل تخوز والشهر الثاني الدهون وعقب تحسون الوزن ينقص.. وتوني تذكرت قصة ثانية مادري وين سامعتها بس قصة حقيقية..
الله يسلمكم هاي قصة واحد كان يحب بنت عمه على ماعتقد ويوم خطبها شافته قالت انا اخذ هذا ما شاء الله عليه واااااااااااااااااااااااايد متين وااااااااااااااايد فالحبيب شو سوى يوم رفضته انقهر وقال انا لازم اضعف ويوم سار النادي المدرب قاله انت مابتضعف لانك واااااااااااااااااااااااايد متين فأول 3 شهور سوا رياضة المشي وعقب تعال بندخلك النادي وحليله مشى 3 شهور وخفف اكله وااااااااااايد ويوم كمل ال3 شهور سار النادي وشافه المدرب ويوم وزن انصدم وااااااااااااااااايد لان مانقص شي من وزنه مثل ماهو قاله المدرب لاتحاتي يمكن اول شي فيك نزل السوائل وقاله امشي والحبيب قال صح اني مانقصت شي بس انا احس اني خفيف اقدر اتحرك مب مثل قبل كنت اتعايز انش من مكاني وساعة لين مانش بس احين العكس وسار مشى بعد شهر على ماعتقد ورد النادي ويوم شاف وزنه مب نازل غير كيلو ماقال شي وقبله المدرب وقام يسير النادي ويمشي ويوم وزن سبحان الله واااااااااايد منقص بس مادري كم .. وحبيت اقولكم لاتزعلون لان الوزن ينزل مرة وحدة مب على دفعات عند بعض الناس وشوفو هالانسان اول مرة شاف وزنه صح انصدمت بس كمل كان يبى يوصل لهدفه ووصل يعني خلو عندكم ارادة وعزيمة وحماس وان شاء الله بتضعفون لاتحاتون وفي الاخير مادري اذا خذ بنت عمه والا لا؟؟
يالله وايد رمست احين دوركم..
قصص نتعض منها بإذن الله تعالى ونتعلم الصبر وقوة العزيمة ..
عسى أن يكـــون الجزء الثــاني فاتحة خيـــر وصفحة بدااايــهـ لتغيــر حيــاتكم ..
عزيـــزتي لاتيـــأسي وتعلــمي الصبـر .. اقرئي قصص لتتعلمي منها ..
اكثـــري من الإستـــغفاااار ..
فكــري في حيـــاتك .. ومستقبلك ..
فكـري في عقلك .. وليس بطنك ..
فكــري في صحتـك ..
أســأل الله أن يجعلــنا أخــوه نســاعد بعضنا ونتعلم من بعض ..
المشاركة الأصلية كتبت بواسطة shoo-o-g 
<< عيــوني قامت تغمض ههههه
تصبحيـــن علـى خيـــر ..
واسمحيلي جان ضايقتج في شي .. ^___^
نوم العوافي الغالية