جولتي اليوم لتفصيل عباة في مردف .. والتخطيط لجولات ثانية شيك

اليوم سرت M&A وماعيبني الكولكشن اليديد .. والكولكشن الجديم لا باس فيه ..

وسرت ديزاين كورنر عيبتني كم عباة وقالولي ما نفصل منهم خلاص واذا تبينهم اشتريهن جاهزات .. بس الطول ما ناسبني .. اغلبية عبيهم تعتمد ع التطريز مب التركيب والسوالف الجاهزة وهذا الي عيبني فيهم

وبعد عندهم فساتين سهرة ..

وسرت لعهود العارف في محيصنه .. ما عندها كولكشن كبير الاهم 10 عبي وكلهم موديل البشت ..

ورجعت البييييت .. باجر ان شالله بكمل الجولة وبروح لمها خان
وعلى يوم بنروح لبيت امل مراد لانها حرمة ربيع ابويه ف بخلي ابويه يودينا منها هو يشوف ربيعه ومنها نحن نشوف امل ..

انا لي جولات ف بوظبي ومفصلة عندهم وان شالله بعرض لكم العبي الي فصلتها ..

ويا ليت اي وحده عيبتها عبي ف مكان تخبرنا لاني هالايام متفرغة للعبي ..

روووووعه

سويت عندها عباه للمناسبات ب 2800 كلها شغل ذهبي من فوق لتحت

كلمه رووعه و جنااااان شوي عليها

و سويت عندها ثنتين حق الطلعه وحده 1300 و الثانيه ب 1000

و سويت وحده حق السوق ب 350 .. ساده بس فيها حركه في الايد و النك اسود كامل .. مع الشيله وااايد كيوت

واايد عندها العبي البسيطه بس موديلاات .. حق الدوام و السوق

المشاركة الأصلية كتبت بواسطة كلي دلع وحلا

صوريلنا كم عباة من الي فصلتيهن

اسمحيلي يالغلا ما اقدر … موصتني ما اعرض في اي منتدى.. ما تبا موديلااتها تطلع برع ..

بس هي تسوي جلابيات شغل ايد خفيف و ثجيل .. يمكن اقدر اعرضهم .. بسألها!!!

بس العبي لا.. انا آسفه ^_^