جمعية ال2024 لمدة 10 شهور اتفضلوا (جمعبه الاخت نيران الثلوج)

طبعا نفس ما قريتوا العنونا هاي جمعيه لاختنا نيران الثلوج نزلت الموضوع بطلب منها واللي حابه تشترك تتفضل

"
السلام عليكم

كيفكم يا بنات بغيت أسوي جمعية السهم فيها ب 2024 درهم ولمدة 10 شهور تستلمون فيها 20240 درهم وتبدا بشهر 9 وتخلص بشهر 6 شو رايكم
إلي بتشارك ب 500 تستلم 5000
والي بتشارك ب 1000 تستلم 10000
والي بتششارك ب 1500 تستلم 15000
والي بتشارك ب 2024 تشتلم 20240
طبعا الي بتشارك ترسلي بياناتها على الخاص والبيانات كالتالي
الاسم ورقم الموبايل والامارة ورقم الحساب مع اسم البنك
والضمانات طبعا بتكون صورة من جواز السفر وتعهد خطي ونصه كالتالي
" أتعهد أنا فلانة بأن ألتزم بالدفع مبلغ وقدرة 2024 درهم شهريا من بداية كل شهر بدءا من 1-9-2017إلى 1-6-2017"

بتاريخ 1-9-2017 للأخت……..
بتاريخ 1-10-2017 للأخت……..
بتاريخ 1-11-2017 للأخت……..
بتاريخ 1-12-2017 للأخت……..
بتاريخ 1-1-2017 للأخت……..
بتاريخ 1-2-2017 للأخت……..
بتاريخ 1-3-2017 للأخت…….
بتاريخ 1-4-2017 للأخت……..
بتاريخ 1-5-2017 للأخت……..
بتاريخ 1-6-2017 للأخت……..
والتوقيع في الورقة مع التاريخ
عشان الكل يضمن حقه
طبعا التعهد ترسلوه بعد ما تكتمل الجمعية والكل يطرش بياناته مع الجواز
إلي بتشارك برسل بيانات كل البنات الي بيشاركوا عشان اطرشوا للبنت الي بتستلم على طول وبدون تأخير
الجواز والتعهد يطرش على الخاص يعني تستخدموا scan لإنه فيه بنات ما يقدرون يطرشون على الفاكس مو متوفر لهم
وحجز الدور يكون على العام يعني إلي تدخل وتحجز شهر معين قبل الكل تاخذ الدور لكن إذا مثلا أنا بغيت شهر 10 وحجزته على العام ويت وحدة عقبي وقالت إنها تبي نفس الشهر ما يحق لها يكون الدور لي.
وممكن أي حد من خارج المدونة يشارك
يالله نبدا

1-9-2017 للأخت…من خارج المدونة…..
1-10-2017 للأخت…نيران الثلوج….
1-11-2017 للأخت….من خارج المدونة….
1-12-2017 للأخت……..
1-1-2017 للأخت……..
1-2-2017 للأخت……..
1-3-2017 للأخت…….
1-4-2017 للأخت……..
1-5-2017 للأخت……..
1-6-2017 للأخت……..

يالله يا بنات شاركوا لإن الجمعية مفيدة أحسن من صرف البيزات بأشياء مو من الاولويات يعني توليف أحسن وأضمن
وإذا نجحت ها الجمعية بإذن الله ممكن نكررها بمبالغ أكبر
وإلي عندها أي استفسار تسأل وانشاء الله إجاوب عليها أول بأول
والله الموفق "
أتمنى تساعديني واكون شاكرة وممتنة لج

حبووبة هذي جمعية نفس الشي 2000 لمدة 10 شهوور جرييب تكتمل شوو رااييج نكمل ها الجمعية

https://forum.uaewomen.net/showthread.php?t=302919

أنا أحتاجها هذا الشهر ضروري حق وحدة عندها مشكلة تبي ضروري ها المبلغ ببداية الشهر
عشان جي حبيت أبدأ وحدة جديدة
مشكورة إختي واتمنى تكتمل على خير

مشكورة اختي غرشة عطر ما قصرتي لما نزلتي الموضوع
الله يوفقج وايسر عليج

الغاليه يعني هن جمعيتين ..؟؟

اذا هي .. ابا الجمعية الاولى و استلم اول وحدة ..

للرفع

هلا إختي
Bent.UAE.DXB فيه جمعيتين بالمنتدى نفس الشي ها الجمعية منهم بس الثلاث أدوار الأولى محجوزة إذا بغيتي تحجزي الرابعة احجزي قبل غيرج
والسموحة إختي
مرة ثانية غرشة عطر مشكورة وما قصرتي لرفعج الموضوع

للرفع

انا ابا شهر12