شخباركم خواتي؟ ان شاءالله بخير
ماشاءالله لاحظت المواضيع كثرت فهالقسم من مسابقات وغيره
لكن أنا نزلت هالموضوع لأصحاب الوزن 70 واللي يتطلعون أنهم ينقصون 15 كيلو أو أقل
لأني أنا من بين اللي يبغون ينقصون تقريباً 15 كيلو وصارلي فترة كله أقول بسوي وبسوي وآخر شي أخربط وايد وأنزل بس كيلو وعقب أرجع الدبلات وهالمرة عقدت العزيمة ونزلت 3 كيلو الحمدالله
وبعدني مصرة ان شاءالله .
من المحفزات اللي حفزتني ( الممثلات الأجنبيات : جنفير لوبيز وبيونسي وتقرير قناة ETV للمشاهير
اللي أجسامهم حلوة واللي بعدهم يتبعون الرياضة بعد وصولهم للوزن المطلوب )
حطي صور فكمبيوترج صورة الممثلة اللي تبغين يكون جسمج مثلها وقارنيها بصورتج هل وصلتي للجسم المثالي بعد ؟
وعاد ياحبنا كلنا لكلمة ( شكلج ضعفانه خخخخخخخخخخخخخخخ وأتشقق يوم أسمعها فالدوام وخاصة أني لابسه عباة واسعه وفوق هذا البنات يلاحظون أني ضعفانه )
واللي حابة تشارك ويايه تكتب هالبيانات عشان أسجلها عندي فالموضوع :
نك نيمها أو الأسم الأول :
الوزن الحالي :
الهدف ( كم تبغي يكون وزنها ) :
الوزن المفقود ( كم نازله ) :
بس اللي تبغي تسجل ويايه لازم تلتزم بهالشروط
1- تكتب كل يوم شو كلت ( ولو بتحطين صور الأكل اللي كلتيه من النت يكون أفضل )
2- تكتب كل يوم شو من الرياضة مارست وفأي منطقة من جسمها فادها
مثل : هالتمرين خلاني أحس بشد فالأرداف … إلخ ولو تحط لنا صورة من النت عن طريقة التمرين اللي وستها عشان يسهل على الجميع فهمها وتطبيقها
عشان بقية المسجلات يستفيدون
3- وتكتب كل أسبوع كم كيلو نقصت
4- بعد يومين أن ماكتبت شي تستبعد من اليوميات ( لأن نبغي نشجع بعض ونساند بعض يومياً عشان
مافي وحدة منا تخربط فالأكل أو تتكاسل تسوي رياضة )
الأسم : فاطمة
الوزن الحالي : 60 كيلو
الهدف : 54 كيلو
الوزن المفقود : 3 كيلو
=====================
الأسم : لمساتي حياتي
الوزن الحالي: 72 كيلو
الهدف : 60 كيلو
الوزن المفقود : صفر
=====================
الاسم : مخملية
الوزن الحالي : 80
الوزن الهدف : 65
الوزن المفقود : صفر
=========================
الاسم : فنون آلخيآنه
الوزن الحالي : 70 كيلو
الهدف : 55 كيلو
الوزن المفقود : صفر
=============
حبيت أكتبلكم يومياتي مع الرجيم والرياضة لشد الجسم ، المؤخرة والأرداف والبطن والذراع
وبعدني مستمرة فيهم والحمدالله شفت نتايج طيبة خلال أول أسبوعين ( نقصت 3 كيلو ولاحظت الفرق في جسمي ( بديت أشوف مفعول رياضة الشد فجسمي )
حبيت أوضح نقطة مهمه , الواحد يوم يحرم عمره من الأكل اللي فخاطره بعد فترة قصيرة يخربط واااايد
وياكل كل شي والرجيم يضيع , فمبدأي كلي اللي تبينه بس بكمية قليلة جداً وهشي اللي خلاني للحين عالرجيم =) والمهم بعد أنج تحذفين وجبة العشاء لأن هي الأساس الأول للمتن بس أن حسيتي بطنج لاصق فظهرج من اليوع كلي فواكة قليلة أو توست أسمر مع لبنة قليلة الدسم
وعن نفسي أكلي لليوم :
الفطور :
كلت حبتين معجنات صغار بالجبن مع عصير برتقال كبير
الغداء :
نصف ملة عيش مع دجاج مشوي عالفرن بدون جلد وروب قليل الدسم
أنا مشتركة في نادي سيدات الشارقة فالآيروبيك وأحضر 4 حصص فالأسبوع
من أرجع بكتبلكم التمارين اللي سويتها
العشاء :
حبتين كيوي حبة موز وحبتين تفاح وأحتمال أحذف وجبة العشاء
لمساتي حياتي الوزن حاليا: 72
الوزن المطلوب : 60
يعني في حدود ال12 كيلو بخسر ان شاء الله
انا الرياضة المعتمدة عليها هي المشي كل يوم 45 دقيقة مشي سريع وجهاز الارداف 10 دقايق كل يوم
واليوم كان ريوقي شريحة سليس شابورة + كوب حليب خالي الدسم
وان شاءالله تخسرينهم وتوصلين الوزن المطلوب ولاتنسين كل يوم زيدي مدة المشي يعني اذا صارلج الحين يومين تمشين 45 دقيقة باجر أمشي ساعه وربع =) وبتحسين أردافج بكبرهم يعورونج وبتحرقين أكثر بعد ^^
واذا عورج شي معناته أنج أستفدتي من الرياضه ^_______^
الوزن: 80 ( قولوا ماشاالله)
الوزن المطلوب : 65
من باجر ببدأ معاكم
ماشاءالله ,^^
لاتنسين من باجر تمشين نص ساعه ^^
وحاسبي فموضوع الأكل ونتريا يومياتج =)