المقادير:
علبة كبيرة جبن فلادلفيا( بطعم الجيز كيك)
علبة صغيرة حليب محلى مكثف نستلة, ملعقتين اكل حيبل نيدو
علبتين قيمر, ملعقة اكل كبيرة جيلاتين( بدون نكهة)
بسكويت اوريو, صلصة الشوكلاتة
دريم ويب, بسكويت ماكفتيز, اصبع زبدة
كيك بيتي كروكر الأسود
الطريقة:
1- تجيبي صينية ذات قاع متفكك, بعد ما تطحني البسكويت تخلطيه مع الزبدة وترصيه في القاع.
2- الطبقة الأولى: بالخلاط الكهربائي ويفظل الكاس ( اسهل) تحطي الجبن و الحليب المكثف وحليب نيدو
وظرف واحد دريم ويب والقيمر والجيلاتين (تذوبي الجلاتين في ربع كوب ماء)
3- الطبقة الثانية: تسوي كيكة بيتي كروكر على الطريقة المكتوبة على العلبة.
4- الطبقة الثالثة: ظرفين دريم ويب تخلطيهم مع الحليب العادي لين تكثف بعدين كسري الأوريو بيدج
عليه وحطي شوي من صلصة الشوكلاتة.
5- على البسكويت اللي رصيتيه في الصينيه حطي اول طبقة عليها الكيك الجاهزة ( الأختيار لج
اذا بتحطيها كامله او بتفتتيها) الأفضل تفتتيها, اخر طبقة الأوريو مع الكريم.
واخيرا حطيه في الثلاجة يوم كامل بعدها تفكي القاع وتطلع الطبقات روعه .. وسلامتكم
اتمنى يعجبكم ويكون عند حسن ظنكم
تحيــــاتي
طريقة حلوة .*
بس لو زودتي الموضوع بالصور بيكون ولا أروع .~
يعطيج العافية .~
لا تحرمينا يديدج .،’
بس ياريت كان في صور
ان شاءالله بسويه خلال هاليومين وبحط الصور لعيونكم
واذا حطيت اكله ثانيه بحطي الصور
وتحياتي لكم