بنات شحالكم وشو اخباركم
ان شاء الله ناويه اسافر شهر العسل انا وبعلي العزيز إلى ماليزيا مدة 10 أيام, واستشرنا احد المكاتب السياحية في ماليزيا بجدول رحلة لحجز الفنادق والطيران الداخلي وكان كالتالي فاتمنى تفيدوني اذا اهو مناسب ولا كيف, ووين تنصحوني أسير بكل منطقة من المناطق المذكوورة وهل الأماكن اللي اختارها لنا مناسبة لقضاء شهر عسل؟,
وفي انتظاركم حبيباتي ..
عزيزتي تقسيم الايام والمناطق ممتاز….بس الفنادق فنادق لنكاوي وبيانق وكوالا دخلت مواقع وشفت الصور وحسيت انه هب لين هناك…
من تجربتي… لنكاوي فندق برجايا ممتاز الاكواخ اللي ع البحر وسعرهم زين بعد….وجربت برجايا في كوالا بعد حلو انه في مول وفيه سينما والمطاعم قريبه ونظيف وفطورهم حلو..
اسعار الشركه ممتازه
هذا رابط فيه دليل ماليزيا ع ملف ورد فيه كل الاماكن السياحيه بالتفصيل والمطاعم وغيره
https://forum.uaewomen.net/showthread.php?t=816877
الله يتمم لكم ع خير…ماليزا وااايد حلوه للعرسان … الله يسعدكم
بس بغيت انصحج العباره لاااا بتتعبون افضل لكم الطيران
واذا تحجزون غرف كلوووب او سويت في الفنادق افضل واشرح
مبروووووووووك
^_^
وان شاء الله البنات يفيدنج اكثر
وبالنسبة للطيران انا اشوووف الماليزي ارقى واحسن لان شكل طيارة اير آسيا ما يشجع وصغروونه وومن الطراز الجديم ،، انا رحت عالماليزي وبصراحه ارتحنا …
(فندق برينس ) بعيد اشوي عن شارع العرب ،، يباله سيارة عشان توصلين ،،
انا انصح السكن ف شارع العرب ،، الاجواء حلوة والتمشي بالمنطقة رووعه وغير الفعاليات اللي فيها …. انا سكنت ف فندق ( استانا )
المشاركة الأصلية كتبت بواسطة سمو 
عزيزتي تقسيم الايام والمناطق ممتاز….بس الفنادق فنادق لنكاوي وبيانق وكوالا دخلت مواقع وشفت الصور وحسيت انه هب لين هناك…
من تجربتي… لنكاوي فندق برجايا ممتاز الاكواخ اللي ع البحر وسعرهم زين بعد….وجربت برجايا في كوالا بعد حلو انه في مول وفيه سينما والمطاعم قريبه ونظيف وفطورهم حلو..
اسعار الشركه ممتازه
هذا رابط فيه دليل ماليزيا ع ملف ورد فيه كل الاماكن السياحيه بالتفصيل والمطاعم وغيره
https://forum.uaewomen.net/showthread.php?t=816877
الله يتمم لكم ع خير…ماليزا وااايد حلوه للعرسان … الله يسعدكم
الغلا انا غيرت فندق لنكاوى لشرات اللي انتي قلتيه لان شفت صورته وحسيت احلى وارقى …
و في كوالالمبور غيرت الفندق لفندق عيبني وايد مطل ع شارع العرب اسمه بيكولو هوتيل حسيته كلاسيكي وايد واخترت نوع الغرفه اكزاكتيف ستيديو سويت وسعره وايد اوكي لليلتين 940 رنجت ..
صراحه الرابط وايد فادني وايد تسلمين يا قلبي وشكرا ع النصايح اللي فادتني جد….
المشاركة الأصلية كتبت بواسطة أم الوضيحي بس بغيت انصحج العباره لاااا بتتعبون افضل لكم الطيران
واذا تحجزون غرف كلوووب او سويت في الفنادق افضل واشرح
مبروووووووووك
^_^
وان شاء الله البنات يفيدنج اكثر
تسلمين الغلا, بس ممكن تخبرينا ليش مب بالعبارة لاني ابي اثبت البرنامج,,, يا العبارة يا بالطيران الداخلي