بنات حبيباتي اشحالكن عساكن بخير ان شاء الله دوووووم يارب المهم انا معاي خدامتين اندونيسيتين عطيت كل وحده شغل محدد وابي تقولون لي هل الجدول الي عطيتهن اياه صح ولا لأ,بيتي كبير وحدة عليها الطابق العلوي,والمطبخ .والزراعة تسقيهم.واليهال الصغار تسبحهم وتهتم فيهم والحوش مب كل يوم يوم تنظف نصه وبكرة نص وبعده ما تنظف, الدرايش يوم عقب يوم تنظف ميلس الرجال ويا الحمام,وعندنا مزارع تعطيه الفطور والعشاء اما بالنسبة للاكل يوم عليها القطور والعشا والثانية عليها الغدا والعكس والعصر كل يوم على وحده تسوي اي اكله اما الثانية عليها الطابق الارضي كامل والحوش مرتين تنظفه ويوم مافيه تنظيف والدرايش يوم عقب يوم وميلس الحريم 4ايام يتنظف و3ايام ماتدخله الا لو كان فيه احد وغسيل الملابس يوم عقب يوم والكوي نفس الشي يوم عقب يوم ماعدا ملابس المدرسة كل يوم ينغسلن وينكون الاكل مثل ماقلت يوم عليها فطور وعشا ويوم عليها غدا هذا الجدول شوه رايكن فيه فيه غلط ولا صح
احس الجدول حلو تنوعين يعني كلهم يطبخن بس كل وحده عليها وجبه وحتى التنظيف ف احس اوكي والله يوفقج
حلو الجدول