شحالكم عساكم طيبين ؟؟
بنت أختي تبا تدرس في جامعة عيمان لكن محد يشعها ..!!
و أنا بغيت اسألكم عن جامعه عيمان .. أتمنى من اللي دارسين فيها أو عندهم خلفيه عنها يخبروني .. شو الدراسه عندهم ؟؟ و هل شهادتهم معترف بها أو لا ؟؟ وشو التخصص اللي إله مستقبل عندهم ؟؟ مثلا شو رايكم في إداره أعمال أو إعلام وعلاقات عامه ؟؟.. لأنه الأغلب يقولولها انه البزنس عندهم مب شي .. وعلاقات عامه عندهم اوكي ؟؟
واممم .. والأساتذه .. وكل شي … بغيت أعرف شوو رايكم في هالجامعه .. هل هي زينه أو لآ !!
أتمنى إفادتي بأسرع وقت .. عشان تخلص من سوالف الفحص والتسجيل … و ما يروح عليها الصيف وهي بس تفكر ….! وعقب ما تقدر تسجل في ولا مكان !
انا بنت خالي تدرس فيها واتقول انها اووكي والحين هيه سنه ثالثه ..
اكييييييد معترف فيـها ..
وبعد ولد خالوه هالسنه سجل فيـهـا ..
اقولج هيه خل اتسير الجامعه عند الارشاد وهم بيخبرونهـا عن كل التخصصات وشو الانسب لهـا وهم بيساعدونهـا ..
وربي يوفقهـا ..
اممممـ أنا برمسج عن تجربتي الشخصية لعل وعسى أفيدج بشيء ..
أنا أدرس تربية في الجامعه … وجامعتنا وضعها عادي كباقي الجامعات الها سلبياتها وإيجابياتها .. الدكاترة كل واحد وضميره وأسلوبه في التدريس .. وطبعا شهادتنا معتررف فيها .. وبالنسبة للتخصصات اللي ذكرتيها ماعندي خلفية .. بس المفروض هيه تختار التخصص اللي يناسب شخصيتها وميولها .. بس الصدق الجامعه ككل اووكي .. وفي تطوور دايم …
وقبل كل شي خليها تستخير الله – سبحانه وتعالى – وربي أكيـد بيسر الها الخير وين ما كان .. =)
أتمنى إنج أفدتج ولو بشي بسيط …
هي خاطرها تدرس بزنس بس لأنه قالوها دراستهم مب لين هناك .. يعني انه علآقات عامه هو اللي اوكي .. وهي وايد محتاره .. أتمنى انكم تفيدونها
وصراحة الدراسة معاهم وايد حلوهـ ع حسب كلامهم
حتى معلمات الانجليزي معاهم اوكي ويساعدون بس الطلاب أغبياء << هب الكل
والصراحة عن السكن ما ادري .. بس كلاساتهم اوكي
حتى الجداول أحسها مناسبة كانت لهم يعني الفرق بينهم ع نص ساعة او ساعة
وعن البزنس بابا يقول وايد اوكي معاهم ع كلام ربعهـ ..
والسموحة منج فديتج ..
ليييين الحين محد ذم دراسة البزنس عندهم …
بس بغيت أعرف شو اللي من ناحية الدراسه أقوى وأحسن في هالجامعه ..
بزنس ولا اعلام وعلاقات عامه