تنظيف البشره……….. هنا الحل

بنات ابغى اسوى تنظيف للبشره فى الصالون بس ما اعرف شو اقولهم ……..
يعنى شو التنظيف المناسب لويهى وانا ويهى مختلط……….
فاليجربت خلطه معينه عند حد من الصالونات ونفعتها تخبرنى وخاصه فى الشارجه او عيمان

قصدج فيشل للبشره
انا أفضل اتسوين من ماركات عالميه مثل كلارنس وغيره
ومادري الصوالين يستخدمون ماركات والا كريمات عاديه
ان شاء البنات يفيدونج

أنا أروح نادي سيدات الشارجة عندج مكانين:

الصالون (أوركيد) = يسون فيشيل بإستخدام ماركة كاريتا وهالماركة الشيخة جواهر أختارتها .. وأنا جربتها والحمدلله ما حسيت بآثار سلبية .. واللي تسويها لبنانية فنانة وحبووبة اسمها ميريل وأصلاً هي وحيدة هناك .. وتقريباً سعره 490 شي جذيه ..

وفي (دلوك) السبا = مجموعة من تنظيف البشرة .. يا بالورد يا بالعسل .. يعني عدة أنواع بس ما جربت ولا واحد منهم .. وأسعارهم تتراوح من 200 وفوق ..

وبس

يمدحون صالون القمر يقولون تنظيفه وايد زين ………..