فالفتره الأخيره عيشتكم فمعاناتي….
المهم وبختصار انا كملت 38 أسبوع,,,
بس انا تعبانه شوي…والماي عندي ناقص وااايد دون المعدل الطبيعي
وقالتلي الدكتوره من صالحج تربين قبل موعدج لان الماي عندج ناقص وااايد…
تنصحوني آخد خروع ولا لا؟؟؟؟؟؟؟
يعني خدته وانا مافيني طلق عادي ولا يأثر؟؟؟؟؟؟؟؟؟؟
ياريت لو تساعدوني انا محتاره وااايد؟؟؟
وكم النسبه الي أخدها من الزيت؟؟؟؟؟؟؟؟؟
وادا الجنين بعده مانزل فالحوض وشربت خروع هل يأثر؟؟؟؟؟؟؟؟
يعني اطول لين أربي؟؟؟؟
أنتظر ردودكم خواتي لو بدعوه منكم انه الله يسهل علي ويهون علي..
وأتريا أهل الخبره يساعدوني ويطمنون قلبي؟؟؟؟؟؟؟؟؟؟؟
((الغاليات نسيت ماأقولكم اني كلمت اليوم الدكتوره زينب وهي ياحليلها كل يوم تتصل تطمن علي واذا سرت المستشفى وجيكت على المايفقالتلي مب مشكله اخذي خروع))
انا باجر بخلص التاسع.. و اييني العوق و يخف و مب عارفه شسوي ابا افتك
شكثر ياخذون منه..
والله يسهل عليه و عليج وعلى كل الحوامل…
تقومين بالسلامه
بصراحة انا هذا اول حمل لي فما عندي خبرة وايد اقدر افيدج بها
لكن من بعض المواضيع الي قريتها قالن بعض الخوات ان الخروع قبل لا يفتح الرحم موب زين
وانتي موب ناقصة
بس انصحج اذا ما عندج سكر حمل اكلي سبع تمرات ع الصبح او اكتفي بتمرة ع الريق
واكثري من الاستغفار والتوجه لله
وامشي .. بس بدون ما تجهدين عمرج ..
يعني كل ما تعبتي ريحي .. وابدي لفترات بسيطة.. مثلا ابدي بعشر دقايق ..
وكل مرة زيدي حسب استطاعتج..
لأن المشي يوسع الحوض .. ويسهل نزول البيبي في الحوض
والله يسهل عليج .. ويرزقج بطفلج سليم معافى تام الخُلق والخَلق.. من غير زيادة ولا نقصان..
وطمنينا عليج الغلا..