طبعا هالكريم انا استخدمه وويهي صار افتح وصافي والحمدلله واهو خوش كريم بس!!!
اليوم مريت السوق ورحت عنده وحده تبيع كريمات لاميير وقالت لي بشرتج وايد حلوه لاني كنت ابي منها كريم لاميير حق السواد تحت العين
قلت لها والله هذا من فيد اوت! انصدمت قالت انتي 22 وتستخدمينه ! وقالت انه وايد قوي وثقيل على البشره لانه اهو يوخر طبقه من الجلد على شان يعطي هالبياض والصفاء اهي ما قالت لا تستخدمينه…
النصيحه هني يا بنات مو انكم لا تستخدمونه لا استخدموه هو زين بس على شرطط
( اول ما تحصلون على النتيجه الي تبوها منه تتركونه ما تتمون تستخدمونه طول اعماركم)
وسر ثاني حق البنات الي عندهم سواد تحت الحين … اهي شافت الكونسيلر تحت عيني واستغربت وقالت الكونسيلر ثقيل !! واستخدمي الكريم الاساس بدال الكونسيلر لانه اخف وهالاشياء الي احنا نحطها على عيونا على شان نخش السواد يمكن هي الي تزيده يعني حاولو ما تبالغون بكريمات وايد وكونسيلرات ثقيل…..
وانا والله يا بنات اول ما قالت لي جذي قلت اليوم بدش المدونة وبقول لكم لانه انا بأكثر من موضوع نصحكتكم تستعملونه وللحين انصحكم بس ارد واقول اول ما تحصلين على النتايج تركيه وانا من اليوم بتركه لانه الحمدلله اهو عدل بشرتي وصفاها وفتحها وتسلمون 
بس بغيت اسال
شو فيد اوت اذا عندج صورته
هذا اهو الفيد اوت البني الاوريجينال انا حاليا استخدمه لتبييض المنطقه الي بين الفخوذ وعسى تتبين الحمدلله عطاني نتايج حق ويهي والفال حق السواد