أنا شوي متخبلة هاالفترة بصراحة تعبت من التفكير و المحاتاة و الهم
كنت كاتبة موضوع بخصوص خدامتي علشان التلفون المهم بصراحة انا ملاحظة عليها انها كله سرحانة و هامتنها بنتها ماادري ليش و مرة قالتلي انت تشوفي عيالش و انا لا فليش ما تخليني اتصل يوم ابى و خذي من راتبي عادي
المشكلة اني شوي خايفة و مترددة مع انه ما فيها شي ترمس اهلها يوم تبى بس ما ادري ليش تحن
المهم هي يابتلي كارد تليفون من بلادها وهالكارد تقدر باستخدامه تستقبل مسجات من الفلبين بس مسجات و انا قلت بخليها تستخدمه بس الحين متشككة و الي مخلي نفسيتي زفت خوفي على عيالي لانها فيها غيرة و ان مالومها إذا هي صدق واحشتنها بنتها و خصوصا انها اول مرة تخليها بس هي خلتها خلاص ………………….تعبت من التفكير و انا اباها تكون زينة مع عيالي على الأقل في امور الأكل و النظافة
فشوروا علي اخليها تستخدم هالكارد ووولا شو اسوي مليت والله افكر استقيل و اجلس فالبيت و ارتاح من هالهم بس شو نسوي الدنيا صارت غالية و نبى بيت اب استقر بعيد عن بيتت هل ريلي
بس هذا مب المهم الأهم العيال و النفسية الزينة
هل هالشي يسوي مشاكل
الصراحه انا هديت الشغل عشان اعيالي وزوجي ولازم اهتم فيهم وهم يبوني
اذا وظيفتج ماراح تأثر واااااااااايد على المعيشه
يعني اذا هديتي الوظيفه اترومون على الاجار واغراض البيت
سوي جدول مصاريف حطي مصاريف تقدرين الاستغناءعنها والمصاريف اللي لازم تندفع مثل الاجار واغراض البيت من اكل وادوات تنظيف + مصروف لج من 500 الى 1000 درهم كل شهر بس طبعا مب لازم تصرفينه خليه للطوارئ او خشيه
لو بيتج صغير استغني عن الخدامه احسن ملابس ريليج والغتر عند الدوبي لو حسبتي كل شهر ما راح يكلف ربع معاش الخدامه
رتبي يومج في التنظيف مش لازم كل يوم كل ماشفتي له حاجه نظفي
اغسلي الملابس كل يوم واكويهم نفس اليوم اواليوم اللي بعده عسب ما يتراكم
الطباخ ما يباله شي لو انتو عيله صغيرة جدر صغير وخلاص
بتلاحظين بعد ايام انج تصرفين الاغراض اقل من الخادمه والمصاريف قلت والله يسر امورج انشاء الله
وانتي تقولين قاعدة بيت اهل ريلج يعني اكيد في حد يمكن عمتج ولا عمج ولا حمياتج يشوفون عيالج يعني بس مراقبة على الخدامة وتعرف انه في حد يراقبها
وهذا اللي اقدر افيدج فيه
الله ييسر لج امورج ويبعد عنج كل هم
خليها تتطمن على اهلها ما دام بطاقه فلبين ما تقدر تتصل لاي حد هي للمسجات بس عامليها زين بتلاقين منها كل خير انشاءالله