انا كنت من كم يوم في مطعم القيصر او القصر في العين ماذكر اسمه
وطلبوا اكله اسمها تكا ماسالا بس شو طعمها جنان تاكلين وانتي مب حاسه بنفسج روووعه طعمها
هي مثل الصالونه بس لونها برتقالي مب احمر …وغليظه وفيها قطع دجاج مع خبز تندوري..
ياليت اللي تعرف هالاكله اتخبرني بالطريقه
ياليتني صورتها لكن…
https://upload.9q9q.net/image/Bd80Yxf…c6ae7.jpg.html
فلك المقادير والطريقة :
نتبل (4) صدور دجاج (بدون عظم +جلد)مقطع لمكعبات بالتدبيله التاليه:
1م/ك تندوري مسالا
1م/ك جرم مسالا
2 م/ك عصير ليمون (انا احب الليمون فحطيت اكثر)
نصف م/ك كمون مطحون
5 م/ك روب/زبادي أو علبتين صغيره زبادي
ملح حسب الرغبه
نترك الدجاج يتبل لمده ساعه على الأقل ليله كامله على الأكثر _ يعني كل ما خليتيه يتبل يكون أحسن
_ نقلي الدجاج في الزيت لمدة عشر دقائق أو حتى تقل كمية الماء ونضعه جانبا.
ثم تعملين خلطه أخرى مكونه من :
2 بصل مفروم
1م/ك ثوم + زنجبيل مفروم
2 طماطم بدون القشر مفرومتين
20 حبة كاجو مفرومه
1 م/ك فلفل أحمر مطحون
1 ونصف م/ك زبده
4 م/ك كريمة خفق (دبل كريم)
نحضر زيت حار في القدر ونقلي فيه البصل +(ثوم, زنجبيل) نستمر في التحريك حتى يصبح لونهم ذهبي.
نضيف الطماطم وملعقة الفلفل الاحمر المطحون ونستمر في التقليب. نرش فنجانين ماء حتى ينفصل
الزيت. نضيف الكاجو المطحون ونستمر في التقليب.نضيف الزبده والكريمه ونستمر في التحريك. بعدها
نضيف الدجاج على المزيج ونستمر في التحريك حتى نحصل على مزيج غليظ. يجب تذوق الصالونه
للتأكد من كمية الملوحه والحموضه.. وبذالك انتهينا. للتقديم نزين بالكزبره المفرومه. وان شاءالله
تعجبكم وبالهناء والعافية
1م/ك جرم مسالا
الغلا وين احصل هالمكونات انا ماعرفهم…
4 م/ك كريمة خفق (دبل كريم)
من وين اخذها…؟؟
ياليت اتردين عليه
والسموحه منج الغاليه
لحظات;
1م/ك تندوري مسالا
1م/ك جرم مسالا
الغلا وين احصل هالمكونات انا ماعرفهم…
4 م/ك كريمة خفق (دبل كريم)
من وين اخذها…؟؟
ياليت اتردين عليه
والسموحه منج الغاليه…
حبيبتي هذا كله بتحصلينه في كارفور التندوري والمسالا بتحصلينهم صوب البهارات وكريم الخفق
يكون إما عند الأجبان أو بتحصلينه عند الكيك
انشاءالله بسير اخذهم وبسوي الطريقه وبخبرج النتيجه
وفعلاً شي خلطات الماسالا فالسوبرماركت يالغاليه
حتى بهارات البرياني الهنديه تحصلينها
انصحج في البتر تشيكن وايد لذيذه مع العيش أو البتر نان 
^_^