تقرير زيارتي لفندق الميدان …تجربة لا تنسى !!! في الامارات

معلومات عامه عن الفندق..

ويتميز فندق الميدان بكونه الفندق الأول والوحيد في العالم من فئة الخمس نجوم الذي يطل مباشرة على مضمار سباق الخيل.. ويقع مبنى الفندق وسط مدرج مضمار سباق الخيل في مدينة ميدان التي ستحتضن أحد أغنى سباقات الخيل في العالم ألا وهو..سباق كأس دبي العالمي
وفتح الفندق أبوابه واستقبل أول ضيوفه في تاريخ 4 مارس 2024

انطباعي عن الفندق:
+ بعيد عن المدينه حق اللي يبا استرخاء وراحة بال

+الليلسات اللي برع وااايد حلوة بس مش في الحر

+خدمتهم سريعه واستقبالهم حلووو ومنظمين وااايد
(((( الصور من البي بي ))

المهم وصلنا الفندق وهذا شكل الفندق من برع ( الصورة من النت )

وبصراحه الفندق من داخل روووووعه من ناحية الاستقبال والديكور وحتى التعامل ..
احنا وصلنا تقريبا ع الساعه 8 ونص فالليل
هذي صورة اللفت (( كل شي في الفندق باللمس وهذا اللي عيبني))

وصلنا للغرفة اول ما تفتحين الباب على ايدج اليسار ادخلين البطاقة

اول ماتدخلين الغرفة الحمام ((وانتو بكرامه)) ع ايدكم اليسار ولو تلاحظون ان الحمام فيه دريشه مطله ع الغرفة وفيه تلفزيون صغير

جانب من الحمام

كل اغراض الحمام من ماركة ايقنر ( كل شي بصراحه ماركه واايد حلوة)

ملاحظة: الحمام مطل ع الغرفة مب كله بس البانيو والمغاسل يعني بيت الراحه له باب بروحه والشور له باب بروحه …يعني في خصوصية

وعلى شاشة التلفزيون حاطين رسالة ترحيب لنا

المكتب

بصراحه ترتيبهم للغرفة روووعه الكبت عبارة عن باب لوح خشب ينسحب ع صوب وغرفة صغيرونة للشنط وتعليق الثياب…بس وااايد حلو والسموحه منكن ماصورتهن

صورة للحمام من الغرفة

غرفتنا فيها بلكون مطله ع الميدان وبما ان الجو حار ما تجرأنا نقعد فيها

المهم… تيلسنا شوي في الفندق وطلعنا نتمشى وخذنا عشا وردينا الفندق والصبح سرنا البوفيه علشان الريوق..بصراحه حلو ومرتب ونظيف جدا واللي عيبني فيه انه في ماكولات شعبية مثل البلاليط والخبيص والقروص…منظم ومتنوع

وهذي طاولتنا

ع فكرة طلبنا سرير حق ولدي ..ماقصروا بسرعة البرق يابوه الفراش وااايد حلو ومريح واهم شي نظيف عيبتني الشبرية لانها كبيرة…

المهم تريقنا وريحنا شوي وتجهزنا عسب نطلع ونسوي جيك اوت…
هذي صورة من اللفت واحنا نازلين

وهذا الرسبشن واحنا نخلص اجراءات الخروج(( ملاحظة : زادوا ع فاتورتنا 70 درهم لانهم حسبوا ريوق ولدي من البوفيه وهذا مش مشمول في حجزنا))

وظهرنا من الفندق وبدت رحلة الشوبينق اللي عمرها ماتخلص

اهم شي تكونون مستانسين ,,,

توي فاتحه بوكينغ عشان ادور حجز حق العيد

ويوم قلتيلي كل اغراضهم من اجر اتخبلت

ابا هالفندق ،، بس خبريني من اي فئه 5 نجوم

وكيف الطريج له
في اي شارع في اي منطقه

مشكوره